Espectacular ver como as novas, por mozas que non por falta de experiencia, monitoras da Escola de Verán da Fundación Eduardo Pondal, vanse curtindo. Espectacular ver como son capaces de ter un auditorio enteiro, en plena noite e no mesmo Pozo da Señora, a todo un público de pequenos alumnos atentos ata o último conto, ata a última nota. Todo no marco, da saída nocturna realizada o pasado venres desde a Casa do Cura ata un lugar ateigado de lendas, como é o Pozo da Señora.

Ademais de monitoras e alumnos, a cita contou tamén coa presenza de seus pais e nais e coa compaña musical da banda de gaitas Inllar. Así, os 80 nenos e nenas puideron asistir a un espectáculo nocturno a carón das augas do río Lagares. Alba Costa coa súa magnífica voz, Silvia Losada coa súa guitarra e Antía Ameixeiras co seu violín ofreceron distintas intervencións musicais. Pola súa banda, Sofía González encheu de lendas este espazo máxico.

4 bravas costeiras espallando o seu saber.

Actividades desta semana

O programa da Escola de Verán continúa ateigado de tarefas para esta semana. Á parte das activiades de carácter diario, o martes o alumnado da Escola Municipal de Teatro de Cabana representará a obra de Xosé Antonio Neira Cruz, Xarope de amorodo, e o venres realizarase unha saída á Padrón para visitar a casa-museo de Rosalía de Castro.

Nela, ambas fundacións compartirán actividades culturais. A recepción oficial na casa rosaliana será efectuada polo seu novo presidente Anxo Angueira quen ten participado no pasado en varias xornadas formativas da institución pondaliana.

Novas relacionadas

• Clase de Paisaxe Pondaliana.
• Programa da Escola de Verán da Fundación Eduardo Pondal.
• Unha Escola de Verán distinta na Fundación Eduardo Pondal.
• Ponteceso convertiuse na capital artística da máxica paisaxe bergantiñá.
• 2011: Unha noite no prácido lugar para pechar a Escola de Verán 2011.
• Comeza unha semana cultural chea de historia no Vimianzo Irmandiño.
• Paula Pombo: “A forza coa que rompe o mar no Roncudo fai que o noso percebe sexa o rei”.
• Un certame de pintura nacional dende Ponteceso que une artistas e espalla cultura.
• Cheo tras cheo no espectacular Festiletras da aldea do Couto.

Fonte

• FEP, da man de Xosé Manuel Varela.