Os núcleos da A Laracha, Paiosaco e Caión xa teñen renovadas as placas das rúas. Onte remataron a colocación das mesmas, entre elas, as máis de 40 que levan novos nomes, rematando así o procedemento que se iniciou cunha consulta popular na web municipal na que as persoas empadroadas no Concello foron quen decidiron os nomes segundo as opcións consensuadas previamente por todos os grupos políticos da Corporación.

O Concello da Laracha porá nos próximos días a disposición da cidadanía os rueiros actualizados en formato dixital.

Relación de rúas e prazas que teñen novos nomes:

A Laracha:
    •    Rúa Maruja Mallo (antiga 1ª Travesía Doutor López Astray).
    •    Rúa Clara Campoamor (antiga 2ª Travesía Doutor López Astray).
    •    Rúa Ramón Cabanillas (antiga 3ª Travesía Doutor López Astray).
    •    Rúa Ponte da Balsa (antiga Travesía da Avenida de Caión).
    •    Rúa Mariña Mariño (antiga 1ª Travesía Eusebio Bértoa Queijo). 
    •    Rúa Urbano Lugrís (antiga 2ª Travesía Eusebio Bértoa Queijo). 
    •    Rúa Emilia Pardo Bazán (antiga 3ª Travesía Eusebio Bértoa Queijo).
    •    Rúa Enrique Muiño (antiga 1ª Travesía Médico David Mallo Gómez). 
    •    Rúa Isabel Zendal Gómez (antiga 1ª Travesía Santa Lucía).
    •    Rúa Río Bradoso (antiga rúa Montemaior).
    •    Rúa Río Acheiro (antiga rúa Paiosaco). 
    •    Rúa Canta La Rana (rúa sen nome entre a Avenida Fisterra e A Gándara).
    •    Praza do Concello (praza na que se sitúa a Casa Consistorial).
    •    Praza O Recreo (praza entre as rúas Manuel Murguía, Rosalía de Castro e Lino Gómez Canedo).
    •    Praza Olonne sur Mer (praza fronte á biblioteca municipal da Laracha e o IES Agra de Leborís).
    •    Praza da Cultura (praza xunto á Casa da Cultura).

Paiosaco:
    •    Rúa Cabana de Bergantiños (antiga 2ª Travesía Avenida Bergantiños).
    •    Rúa Ponteceso (antiga 3ª Travesía Avenida Bergantiños).
    •    Rúa Malpica de Bergantiños (antiga 4ª Travesía Avenida Bergantiños).
    •    Rúa Coristanco (antiga 5ª Travesía Avenida Bergantiños).
    •    Rúa Laxe (rúa traseira entre a 2ª e 3ª Travesías Avenida Bergantiños).
    •    Rúa da Braña (antiga 1ª Travesía José Loureiro González).
    •    Rúa Xosé Neira Vilas (antiga 2ª Travesía José Loureiro González).

Caión:
    •    Rúa da Torre (antiga rúa Carrero Blanco).
    •    Rúa Argazo (antiga 1ª Travesía Carrero Blanco).
    •    Rúa dos Percebeiros (antiga 2ª Travesía Carrero Blanco).
    •    Rúa dos Mariñeiros (antiga 1ª Travesía Praza Eduardo Vila Fano).
    •    Rúa das Baleas (antiga 2ª Travesía Praza Eduardo Vila Fano).
    •    Rúa Costa do Pichón (rúa sen nome entre a Avenida da Laracha e a rúa das Pías).
    •    Rúa do Lavadoiro (rúa sen nome entre a Avenida da Laracha e a rúa Luis Varela Curbera (sen nome) como Rúa do Lavadoiro).
    •    Rúa Muíño do Vento (rúa de recente apertura no Campo da Insua, xunto ao centro sociocomunitario).
    •    Rúa Hortas do Concheiro (vía na Avenida Méndez Núñez, que coincide co final do Rueiro das Figueiras). 
    •    Rúa das Redeiras (antiga 1ª Travesía Campo da Insua).
    •    Rúa das Atadoras (antiga 2ª Travesía Campo da Insua). 
    •    Rúa das Traíñas (antiga 1ª Travesía Rueiro das Figueiras). 
    •    Rueiro de Leis (antiga 1ª Travesía San Roque).
    •    Rueiro da Fonte (antiga 2ª Travesía San Roque). 
    •    Rueiro da Igrexa (antiga 3ª Travesía San Roque).
    •    Praza Punta das Ondas (praza sen nome no final da Rúa do Carme).
    •    Rúa da Praia (estrada As Salgueiras).

Obras

Obras de pavimentación na Gándara

Mentres, a execución dos proxectos de mellora da rede viaria (renovación do pavimento con aglomerado asfáltico) nos núcleos de A Gándara (parroquia de Torás), A Pedreira (Caión) e Santa Baia (Soandres) entrou na súa fase final.
As obras concluirán nos próximos días co pintado das marcas viarias tanto en A Gándara como en A Pedreira. Este proxecto está valorado en preto de 88.000 euros.