Imprimir

Ruar e rir nas rúas de Carballo polas Letras Galegas

que pasa na costa | 14 de maio de 2019

Pintando os pasos de peóns no Ruar e Rir de Carballo
Pintando os pasos de peóns no Ruar e Rir de Carballo

Singular a proposta que volve a Carballo polas Letras Galegas, co graffiti de novo como medio de creación. Desta volta, nos pasos de peóns, recuperando aquela iniciativa que en 2015 encheu a vila de frases orixinais e filosóficas con motivo do Día das Letras Galegas. Volve así o “Ruar e rir 2”, e o alumnado dos institutos de Carballo xa está volvendo a deixar a súa pegada nos pasos de peóns.

Esta iniciativa cun marcado fin pedagóxico, comeza en clase, cun completo proceso de creación, baixo a coordinación do sociólogo Santiago Pazos, por parte de alumnas e alumnos de 2º de Bacharelato do IES Alfredo Brañas e de 4º da ESO do IES Monte Neme, que permitiu preparar as 18 frases que agora se pintarán.

Durante as sesións reflexionaron sobre a lingua, aprenderon palabras novas, revisaron ortografía e gramática e, sobre todo, tiveron a oportunidade de deixar voar a imaxinación. Unha das frases creadas é precisamente a que subtitula o proxecto “As esencias da cidade lévalas dentro dos zapatos”. Agora, pintan as rúas coa axuda de coñecidos artistas carballeses como Cristina Castro, María Marticorena, Santi Picos ou Mon Lendoiro.

Ruar e rit en Carballo

Ademais da frase que subtitula o proxecto, algunhas das sentenzas que se pintarán durante estes días son: • “Precaución, aquí aprendemos a pensar”, no acceso ao IES Alfredo Brañas.
• “Polos cóbados roídos respira o coñecemento”, no acceso ao IES Monte Neme.
• “Soñar é de balde”, na contorna do mural “A Orixe” na rúa Fábrica.
• “A lectura é o atallo para a cultura”.
• “Entre bicos e agarimos enguedello polo camiño”.

Programa das Letras en Carballo

Programa Das Letras Galegas 2019 Carballo

Podes ver este artigo na próxima dirección /articulo/carballo/risas-e/20190514105630109659.html


© 2019 que pasa na costa

COPYRIGHT 2019 QUE PASA NA COSTA