J.M.D.S., veciño de Sardiñeiro, foi detido esta mañá de venres pola Patrulla do Seprona de Corcubión e levado aos Xulgados de Corcubión, logo dunha intensa investigación encamiñada a esclarecer a autoría dos incendios forestales ocorridos na localidade de Sardiñeiro desde agosto de 2016.

Malia que ningún dos incendios chegou a ser de grandes magnitudes grazas á rápida intervención dos veciños e os medios de extinción para sufocalos, si que ocorreron en lugares onde era habitual o tránsito de persoas. Unha das zonas abrasadas afectou a 0.2 Ha de arborado a 50 metros de vivendas, o cal creou unha gran alarma social entre os veciños que temían por verse afectados e pola gran cantidade de incendios que estaban acontecendo.

J.M.D.S. confesouse culpable ante a Garda Civil cando estes presentáronlle as probas que lle relacionaban cos feitos. Cómpre destacar que en 2014 xa foi detido como autor de 7 incendios forestais.

Incendios forestais 2017

• A Deputación da Coruña implantará a Xestión Directa dos Parques de Bombeiros.
• 20-04-17: Sufocado con rapidez un pequeno incendio forestal en Cee.
• 16-07-17: O incendio entre Cabana, Coristanco e Zas arrasou 18 hectáreas.
• 04-07-17: Un novo incendio en Vimianzo.
• 03-07-17: A Garda Civil investiga a dúas persoas polo incendio de San Xoán en Cabana.
• 24-0-6-17: Dous incendios no Castro e Corcoesto “abren” a tempada.
• Alertan da necesaria Deseucaliptización de Galicia.

Fonte

• Redacción de QPC (info@quepasanacosta.com).