En breve poderemos compartir contidos cunha das empresas costeiras que máis mira ao exterior. A revista Fútbol Táctico, xa con delegacións en Brasil ou en China, terá a súa sección en QPC, para compartir artigos, análises… de gran interese para os nosos afeccionados ao Fútbol de verdade.

Unha empresa que nacía en Coristanco, que hoxe ten a súa sé en Carballo e que cada día medra máis e máis. O último paso adiante, o convenio asinado co Comité de Entrenadores da da Federación Española de Fútbol, aí é nada.

Ata Madrid desprazouse Juan José Vila, o director da empresa. Un coristanqués que percorre mundo como asistente de Karpin, e que pasa por ser un dos máis importantes analistas de toda España e a nivel internacional. Alí estivo con Eduardo Caturla, presidente do Comité, e mesmo co seu amigo Vicente Del Bosque.

O acordo vai na liña da información e da formación, de xeito que a empresa costeira será a partir de agora o encargado de dotar á web do Comité de Adestradores da R.F.E.F, de contidos de carácter didáctico así como o facilitar ferramentas aos adestradores para que dispoñan de maior capacidade operativa á hora de gestionar e construír os seus adestramentos.
Os contidos que se facilitarán á web do Comité, abarcarán as distintas áreas do Fútbol así como en Fútbol Sala, Fútbol Praia e Fútbol Feminino; táctica, técnica, preparación física, análise, psicología, adestramento de porteiros, entrevistas, reportaxes e un longo etc.

Fonte

• Redacción de QPC (info@quepasanacosta.gal).