A asociación Muxía Turismo Rural presenta o proxecto "Touriñán, solpor de Europa" Mañá, mércores 20 de xaneiro, comeza en Madrid, unha das feiras de turismo máis importantes do momento: Fitur. Serán varias as entidades da Costa da Morte as que acudan a esta convocatoria onde presentarán os seus propios valores turísticos. Unha delas é a asocación Muxía Turismo Rural, formada polas casas de turismo rural do municipio muxián e que contan coa certificación Q de Calidade, que presentará o proxecto "Touriñán, solpor de Europa" nun acto que terá lugar mañá ás 12:30 horas, no stand de Galicia (pavillón 9 de Ifema). A asociación Muxía Turismo Rural levará a cabo a presentación, en colaboración co concello de Muxía, da ruta Solpr de Europa xunto cun polidíptico da mesma editado en tres idiomas - galego, castelán e inglés -. O itinerario, que se pode ver en wikilok, conta cuns 30 quilómetros de percorrido que discorre pola costa dende o santuario da Barca ata a praia de Nemiña. O tramo ofrece ao camiñante unhas espectaculares paisaxes dende a punta da Buitra, dende o que se avistas os faros Vilán e Touriñán, e o propio cabo Touriñán. Os establecementos adheridos a Muxía Turismo Rural elaboraron un paquete específico para os usuarios desta ruta que combina, cun prezo especial, aloxamento e gastronomía ofrecentod ademais o servizo de recollida do usuario. Novas relacionadas

• “Touriñán, solpor de Europa” xa ten o seu clube de amigos
• Muxía xa camiña ao solpor cara o mar dende Touriñán
• FITUR 2015: A Costa da Morte, por parroquias, moi presente na FITUR
• FITUR 2015: Curta e disgregada presencia da Costa da Morte en FITUR.
• FITUR 2014: A FITUR coñece unha ducia de Costas da Morte.
• FITUR 2012: Unha FITUR de nasas, congros e bicicletas con sabor a Finisterre.
• FITUR 2011: Fitur volve coñecer varias Costas da Morte.
• FITUR 2010: Dúas Costas da Morte en Fitur.
• FITUR 2009: A Costa da Morte, divida no Fitur.

Fonte

• Redacción QPC (info@quepasanacosta.gal)
• Asociación Muxía Turismo Rural