O Circuito de Xadrez salta de Arteixo a Baio

07:14 28/07/17

Así foi o torneo de Arteixo

Aproveitaron o festivo semanal os membros do II Circuito Intercomarcal de xadrez rápido Deputación de A Coruña para disputar dúas probas, en Cedeira e en Arteixo. Dúas probas que xuntaron a case 200 xogadores, o dá conta da relevancia do circuito. As procedencias dispares tamén demostran a potencia deste deporte pois chegaron dende Ourense, Verín, Ponteareas, Sanxenxo, Tui, Chantada, Vilagarcía de Arousa, Marín, Lugo, Rianxo, Padrón, Ribeira, Pobra do Caramiñal, Ames, Santiago de Compostela, Oroso, Ferrol, Betanzos, Sada, Cambre, Perillo, A Coruña, Carballo, Laracha, Val do Dubra, Coristanco, Malpica, Zas, Muros, tamén destacar a presenza de xogadores de Ponferrada, Madrid e San Sebastián e Francia.

Ademais, a IV proba será en Baio, Zas, esta fin de semana, onde se repetirá o nivel alto con varios GM, MF ou WGM.

XI Memorial Miro

O XI Memorial Argimiro Penide Cedeira Miro xuntou a 72 xogadores, e houbo un empate na cabeza entre os 2 máximos favoritos con 7,5 puntos e o desempate quixo que fose vencedor o GM Aleksa Strikovic, Serbio residente en Cambre fai moitos anos habitual do torneo e que xoga polo equipo de Chantada. 2º quedou o GM David Lariño de Esteiro e habitual deste torneo e do circuíto. O 3º posto foi paras o mozo de Oroso Martín Pena con 6,5 puntos.

XVIII Aberto de Arteixo

127 xogadores participaron en Arteixo, pero o GM Strikovic tívoo algo máis fácil xa que Lariño perdeu na rolda 5 e deixou o camiño libre para que o Serbio fixese o doblete. Finalmente o GM Aleksa Strikovic campión con 7,5 puntos, 2º MF Fernando Sánchez con 7, 3º GM David Lariño tamén con 7.