O quimiqueiro Alsterstern, de 161 metros de eslora, quedou sen goberno por un problema no motor Sobre as 16:30 horas desta tarde, o buque quimiqueiro Alsterstern quedou á deriva fronte as costas de Fisterra despois dun problema no motor. O barco, de 161 metros de eslora e cunha capacidade de carga dunhas 17.000 toneladas, dirixíase a Lituania e, segundo informa Salvamento Marítimo, non levaba carga. O quimiqueiro foi remolcado a Vigo. Segundo a conta de Twitter de Salvamento Marítimo, mobilizouse tamén o remolcador Don Inda "por seguridade". Esta incidencia en pleno corredor marítimo de Fisterra pon en evidencia a falta dun plan de emerxencia real nunha zona pola que pasan uns 40.000 barcos ao ano que transportan mercadorías perigosas. Alerta vermella Segundo sinala Salvamento Marítimo, o remolcado foi complicado debido ao estado do mar. Precisamente, o litoral de Coruña e de Pontevedra atópase en alerta vermella debido aos fortes ventos e choivas que deixará unha profunda borrasca procedente do Atlántico. Nas últimas horas rexistráronse xa rachas de vento de 107 km/h en localidades como Vimianzo e ao longo da noite espéranse olas de ata 8 metros no mar.

Novas relacionadas

• 03-01-16: Un petroleiro volveu saltar as alarmas ao saír do Corredor de Fisterra
• 24-11-15: Un novo buque ten que ser remolcado tras sufrir unha avaría diante do litoral costeiro.
• 13-11-15: #13anosdoPrestige….
• 30-09-15: Piden a revisión da sentenza do Prestige.
• 18-11-14: #12anosdoPrestige.
• 40.000 barcos atravesan cada ano o Corredor de Fisterra.
• A tráxica e real historia, erro tras erro, do inoperante heliporto de Salvamento da Costa da Morte.
• Comeza o desguace da Gabarra Prima.

Máis novas relacionadas

• A praia de latas do Casón.
• Casón: 25 anos da histeria colectiva provocada.

Fonte

• Redacción de QPC (info@quepasanacosta.com).
• Salvamento Marítimo