Zas

Outra curta do IES de Baio con IA, seleccionada para o Festival Educativo Foco

27 de xuño de 2024 (08:22 h.) Redacción

Culmina o IES Maximino Romero de Lema un ano incrible en materia audiovisual. Ducias de premios leva o centro baiés, que pelexará tamen polo “IX Encuentro Educativo de Creación Audiovisual Fuente Obejuna de Cortos, FOCO 2024”. O centro participa neste festival de cine educativo coa curta “Precursoras en la lucha por la igualdad” protagonizada polas alumnas Nerea Torrado de Ciclo Medio de “Sistemas Microinformáticos e redes” e Marina García de 2º de Bacharelato, coa coordinación dos profesores Fina Paulos Lareo e Óscar Manuel Rey Calo.

Marina e Nerea na radio escolar do IES de Baio

Ó festival presentáronse 120 curtas de toda a Península e, para o Centro baiés “ten moita relevancia que este traballo documental fora escollido entre todas elas porque o nivel dos traballos na presente edición é moi alto”.

“Precursoras en la lucha por la igualdad” é unha breve curta-documental na que Clara Campoamor e Emilia Pardo Bazán, falan das súas experiencias na loita pola igualdade. Para isto, Nerea Torrado y Marina Camafreita fanlles unha entrevista de radio grazas ao uso da intelixencia artificial, dando voz a estas dúas persoas relevantes na Historia de España, no que a loita polos dereitos das mulleres se refire.
"Dende o IES de Baio seguimos afondando e investigando no eido da intelixencia artificial para a posta en valor desta tecnoloxía como transmisor de valores, algo que xa levamos facendo dende hai máis dun ano, formando tanto a alumnado como profesorado da contorna para que utilicen a IA con responsabilidade e sacándolle todo o proveito como ferramenta educativa", explican.

Saberemos o gañador o vindeiro mes de outubro en Fuente Obejuna, na provincia de Córdoba.