Venres. 29.03.2024
El tiempo

A Laracha notifica case un milleiro de incumprimentos da Lei de prevención de Incendios

A Xunta en Carnota forestal
Imaxe das primeiras accións subsidiarias da Xunta realizadas o pasado mes de novembro en Carnota
A Laracha notifica case un milleiro de incumprimentos da Lei de prevención de Incendios

En 2021, o Concello da Laracha xa enviara 300 notificacións a propietarios que debían limpar as súas faixas de biomasa. A comezos deste ano xa notificou 849 incumprimentos da normativa da Lei de prevención e defensa contra os incendios forestais de Galicia aos titulares das parcelas.

A problemática de levar a cabo esta complicada normativa obriga aos Concellos unir forzas co resto de administracións. Así a Xunta de Galicia, a Federación Galega de Municipios e Provincias (Fegamp) e a empresa pública de servizos agrarios Seaga unen forzas para que o país a cumpla.

Nese convenio está adherido o Concello da Laracha, que está poñendo en marcha o sistema público de xestión da biomasa nas faixas secundarias ás vivendas. Primeiro realizouse un estudo das franxas de 50 metros próximas ás vivendas, nas que aínda hai especies prohibidas (por pirófitas, que prenden con facilidade) como eucaliptos, acacias, toxos, silvas, fentos e pinos.
Dese informe saen as 849 notificacións.

Agora, o Concello dalles de prazo máximo de 15 días naturais para executar as actuacións oportunas, transcorrido o cal se procederá á execución subsidiaria con repercusión dos custos aos titulares dos terreos.

NOVAS RELACIONADAS

Comentarios