Martes. 15.10.2019
El tiempo

A Deputación esixe a supresión da peaxe da AG-55

A Deputación esixe a supresión da peaxe da AG-55
O pleno de Deputacion comezou cun minuto de silencio polo atentado de onte no aeroporto de Estambul O pleno de Deputación comezou cun minuto de silencio polo atentado de onte no aeroporto de Estambul A supresión da peaxe da AG-55 foi un dos principais puntos tratados no apartado de mocións do pleno da Deputación da Coruña celebrado esta mañá onde tamén lle deron luz verde a varios investimentos para a Costa da Morte. Finalmente aprobouse unha moción impulsada polos grupos provinciais do PSdeG-PSOE, BNG, Marea Atlántica, Alternativa dos Veciños e Compostela Aberta pedindo a supresión da peaxe na AG-55, que contou co único voto en contra do Partido Popular. Non saíu adiante outra moción impulsada polo PP e apoiada por Alternativa dos Veciños na que pedía a creación dunha mesa interadministrativa coa participación da Deputación e concellos para eliminar a peaxe de Pastoriza. O portavoz do Partido Popular neste punto foi o alcalde de Arteixo, Carlos Calvelo, que sostivo que a moción suscrita polos restantes grupos políticos representados na Corporación “perxudica” ao concello arteixán e pediu “separar dous temas distintos”, xa que mentres Arteixo demanda que non se realice o novo enlace co porto exterior, que costaría 40 millóns de euros, e se destinen parte deses fondos a rescatar a peaxe, o que custaría uns 22 millóns, dos que o concello achegaría 12; a supresión total de peaxes en toda a AG-55 suporía máis de 120 millóns de euros. Pola súa banda, os portavoces de PSOE e BNG, Julio Sacristán e Xosé Regueira, defenderon demandar á Xunta de Galicia a “eliminación total” da peaxe da AG-55, que afecta, ademais de Arteixo, a moitos outros concellos das comarcas de Bergantiños, Soneira e Costa da Morte. En similares términos se pronunciou o portavoz do BNG, Xosé Regueira, que lembrou que a AG-55 “fíxose con cartos públicos porque ía ser sen peaxe” e “foi o PP o que instaurou a peaxe e o que ampliou a concesión”, que perxudica a moitos veciños de Bergantiños ou Costa da Morte que se desprazan a diario a traballar á area coruñesa. A supresión da peaxe da AG-55 foi solicitada en numerosas ocasións por distintos colectivos. Unha das últimas foi unha mobilización de vehículos en sinal de protesta por cobrar igualmente a peaxe a pesar de estar un ano e medio en obras. Última fase do PAS Unha das obras do PAS e a mellora da estrada que une Tines e Treos, no concello de Vimianzo Unha das obras do PAS é a mellora da estrada que une Tines e Treos, no concello de Vimianzo Por otra parte, o pleno da Deputación da Coruña aprobou tamén a cuarta e última fase do Plan de Acción Social - PAS -, cun investimento de 16,5 millóns de euros que se destinarán ao financiamento de 184 obras en 43 concellos da provincia coruñesa. No que se refire á Costa da Morte, o organismo provincial destinará máis de tres millóns de euros repartidos entre os seguintes concellos.
  • Cabana de Bergantiños: 322.891,93€ 
- Acceso e equipamento do entorno da escola infantil de Cabana - Mellora do local social de Anos - Carpintería exterior do edificio de usos múltiples de Neaño - Mellora da contorna do local social de Nantón - Pavimento en Buzaco, Esqueiro, As Grelas, Esto-Reiro - Pavimento en Vilaseco-Borneiro, Devesa-Esmorís
  • Carballo: 917.250,66 €
- Accesibilidade Pazo da Cultura de Carballo - Céspede artificial e equipamento no estadio municipal As Eiroas - Accesibilidade no barrio das Flores - Eliminación das barreiras arquitéctonicas na rúa Xúpiter
  • Carnota: 233.461,36 € 
- Rehabilitación parque infantil en Mar de Lira - Conservación das instalacións deportivas en Carnota - Conservación da área de ocio de Louredo - Saneamento e pluviais en Caldebarcos - Saneamento e pluviais en Sestelos
  • Coristanco: 439.859,84€ 
- Pavemento patio e pista deportiva exterior do CPI Alcalde X. Pichel - Mellora dos patios e zonas lúdicas CEIPS A Braña - Sendas peonís na parroquia de Erbecedo, Oca - Lámparas e luminarias LED en Coristanco
  • Laxe: 184.046,34€ 
- Acondicionamento da escola unitaria para creación PAI en Laxe - Ampliación dos aparcadoiros no cemiterios de San Simón - Mellora da pista acceso ao cemiterio municipal de Laxe
  • Ponteceso: 346.324,47€
- Humanización da contorna da praza do Recheo - Protección conxunto Muiños Rego das Bouzas - Posta en valor do núcleo de Cores-Ponteceso
  • Vimianzo: 516.381,45€
- Ampliación das áreas e parques infantís de Bamiro - Acondicionamento do parque e do aparcadoiro en Cereixo - Rehabilitación do centro social-escola unitaria Carantoña - Arranxo do pavillón deportivo Vimianzo e cuberta do anexo - Mellora no sistemade  saneamento no concello de Vimianzo - Mellora do firme daestrada municipal entre Tines e Quintáns (Treos)
  • Zas: 401.263,89€
- Parque infantil de Muíño - Acondicionamento da área recreativa de Meanos - Rehabilitación das escolas unitarias Romelle, Zas e Muíño - Rehabilitación das escolas unitarias San Cremenzo e Carreira - Reforma do auditorio de Zas e do local social Baio - Estacionamento do centro social e do pavillón municipal de Baio - MCR estrada de Fonte Espiño a As Bellas - MCR estrada Baizana-Treos, acceso a Andragalla A última fase do PAS, que foi o primeiro dos plans impulsados polo actual executivo provincial e vai destinado a colaborar cos municipios no financiamento de investimentos financieiramente sostibles que teñan, na súa maior parte, un carácter social relevante. Coa aprobación desta última fase, o PAS completa investimentos por importe de 33 millóns de euros nos 93 concellos coruñeses, que van supor a realización de 389 obras en toda a provincia da Coruña. Reformas en centros sociais e veciñais, melloras en camiños e viais municipais, supresión de barreiras arquitectónicas, construción de parques infantís e biosaludables, ou obras nas redes de saneamento e abastecemento de auga son algunhas das actuacións que os concellos da provincia decidiron financiar a través deste Plan, xa que son os propios concellos os que deciden o destino do investimento provincial, en función da asignación que lles correponde (o criterio de distribución é o que mesmo que se ven usando dende os anos 80 para o POS) e das súas necesidades e prioridades.

Novas relacionadas

Fonte

Comentarios