Foto da III Unha Noite no Medievo en Cabana É unha das citas máis auténticas do verán bergantiñán. A prevoda medieval que arman en Cabana durante a fermosa ‘Unha noite no medievo’ xa está en marcha. Este mes de agosto, podes ser ti es@ que chegue ao altar montado a cabalo, escoltad@ polas túas damas e os estandartes do teu escudo mentres que, un xograr puntea as cordas da súa arpa. Nesta celebración que cada ano vai a máis, e que todos os veráns dá un gran salto atrás no tempo para volver á Idade Media, están inmersos todos os veciños, que colaboran e coidan con agarimo todos os detalles para que un dos actos principais, como son as cerimonias de casamento, coordinadas por Silvia Losada, saian á perfección e que este ano está prevista para o día 12 de agosto ás 20:00 horas. Como xa é tradición, convócase a todas as parellas de noivos que queiran participar na “prevoda medieval”. É importante matizar que a cerimonia non ten efecto oficial, senón oficioso. E, por isto, as parellas que participen, deberán vestirse con traxe de labregos medievais, embelecidos por coroas e ramos de flores silvestres. Aqueles que queiran formar parte desta voda medieval, pódense inscribir no departamento de Cultura do Concello de Cabana, ou ben chamando a calquera destes teléfonos 981 754 020 ou 626 907 363.

Fonte

• Redacción de QPC (info@quepasanacosta.com).