O concello ofrece durante os meses de verán un servizo gratuito de visitas guiadas ao centro arqueolóxico do Dolmen de Dombate O concello de Cabana de Bergantiños recibe o verán cargado de actividades. Así, os actos comenzarán xa a vindeira fin de semana (entre os días 30 de xuño e o do 2 de xullo) co gallo do X aniversario do irmanamento con Treize-Septiers (Francia), polo que entre o 30 de xuño e o 2 de xullo hai programados varios actos. Ademais, os días 1 e 2 de xullo a artista local Matilde Vilariño expoñerá en Dombate a súa exposición de pintura. Visitas guiadas Por outra parte, no centro arqueolóxico do Dolmen de Dombate haberá visitas guiadas todos os días dos meses de xullo, agosto e setembro. Éste é un servizo gratuito que se ofrece de 11 a 14 horas e de 16 a 20 horas. Todos os venres de xullo e agosto tamén haberá visitas guiadas nocturnas que serán ás 23 horas e que están dirixidas a un máximo de 30 persoas. Ademais, durante os meses de xullo e agosto, a compañía de teatro Os Quinquilláns encargaranse das visitas guiadas teatralizadas para as cales haberá dous turnos; un ás 18 horas e outro ás 19:30 horas.  

Novas relacionadas

• 1.700 escolares derrubaron as portas do Castelo de Vimianzo coas visitas guiadas.
• Cabana estreita lazos coa localidade francesa de Treize-Septiers
• Os donos e donas dos monumentos megalíticos de Vimianzo visitan Dombate.
• Os Concellos de Cabana e Malpica seguirán xestionando o Dolmen de Dombate e o ecomuseo do Forno do Forte en 2017.
• O Dolmen de Dombate e Castro Borneiro recibiron 10 grupos durante o mes de novembro.
• Máis de 2.600 persoas visitan o Dolmen de Dombate no mes de setembro
• O Dolmen de Dombate, premio do Clúster da Madeira e o Deseño de Galicia á sustentabilidade
• Máis de 11.000 visitaron Dombate este verán.

Fonte

• Redacción QPC ([email protected])
• Cabana de Bergantiños