Galiza Nova abre a fiestra á mocidade bergantiñá

Cabana Laxe Malpica Ponteceso Cultura Costa da Morte

Galiza Nova abre a fiestra á mocidade bergantiñá

09:10 22/09/11

Esta fin de semana a comarca de Bergantiños convertirase no corazón da mocidade nacionalista galega. A entidade Galiza Nova vai realizar un completo programa de actividades no marco das XXIII Xornadas de Verán, que a pasada mañá foi presentado en Carballo por Pablo Vázquez, responsable comarcal de Galiza Nova, e Vítor Recarei, responsable comarcal do BNG.

As xornadas discorrerán polos sete concellos da comarca, combinando aspectos formativos e políticos con outros máis lúdicos e de convivencia. Ademais, a mocidade participante terá a ocasión de coñecer recantos moi interesantes da bisbarra.

Inscricións

Ata hoxe xoves pode apuntarse aínda quen queira participar (tanto da comarca como de fóra) enviando un correo electrónico a nacional@galizanova.org. O custe da inscrición son 20 euros, que dan dereito a comidas, durmida e transporte aos diferentes lugares das actividades.

Programa

As XXIII Xornadas de Verán incluirán actividades arredor de diversas figuras da nosa comarca e do noso país (Castelao, Alfredo Brañas, Eduardo Pondal, os/as represeliados/as galegos/as do 36), mostrarán a quen nos visita moitos e interesantes espazos da comarca (Lagoa de Traba, Soesto, oleiría de Buño, Verdes, praia do Pendón) e incluirán tamén espazo para o ocio e o esparcemento.

Iria Aboi, Secretaria Xeral de Galiza Nova, destacou que esta XXIII edición “está especialmente centrada no coñecemento da nosa riqueza natural, cultural e histórica porque concibimos estas Xornadas como unha fiestra aberta ao coñecemento e posta en valor de Galiza”.

Venres, 23 de setembro

17.15 Saída de buses dende Compostela (Alameda de Santiago, en fronte gasolineira)
18.30 Benvida no Concello de Carballo. Evencio Ferrero (alcalde de Carballo); Silvana Castro (concelleira de Mocidade); Vítor Recarei (responsábel comarcal do BNG); Pablo Vázquez (responsábel comarcal de Galiza Nova), Iria Aboi (Secretaria Xeral de Galiza Nova).
19.30 Roteiro explicativo sobre Alfredo Brañas (Xan Fraga, historiador)
20.30 Acto público sobre a reforma da Constitución Española. Evencio Ferrero (alcalde de Carballo); Iria Aboi (secretaria xeral de Galiza Nova); Guillerme Vázquez (portavoz nacional do BNG)
22.00 Cea
23.00 Saída nocturna por Carballo. Festa LK na Taberna Café O Patacón

Sábado, 24 de setembro

09.30 Almorzo
10.30 Roteiro pondaliano en Ponteceso (dende Ponteceso a Valarés pasando pola casa natal do autor, o Monte Branco…)
12.30 Acto conmemorativo do 125 nacemento de Castelao con Xoán Carlos Garrido (profesor e historiador) Casa dos Veciños do Couto.
14.30 Xantar ao aire libre na carballeira e a praia de Valarés.
16.00 Esparexemento e actividade deportiva na Praia do Pendón (Cabana de Bergantiños): Kaiak; Roteiro dos Muíños, con remate no Dolmen de Dombate; Deportes varios: fútbol sala, baloncesto, volei-praia…; Esparexemento na praia.
18.30 Visita ao espazo natural da lagoa de Traba. Explicación do enclave natural e da historia dos Condes de Traba.
20.00 Cea na área recreativa anexa á praia de Soesto (Laxe)
22.30 Saída nocturna pola Laracha. Festa no Pub D’Antón co grupo Trapallada.

Domingo 25 de setembro

10.00 Almorzo
11.00 Visita á vila oleira de Buño (Museo do Forno do Forte e talleres tradicionais de olería)
13.00 Acto sobre os/as represaliados/as galegos/as de 1936 e a simboloxía franquista na Laracha.
14.30 Xantar no espazo natural de Verdes (Coristanco)
16.00 Saída dos buses cara Compostela.