Apunta Meteogalicia que hoxe teremos unha noite ben fermosa para disfrutar da noite meiga do San Xoán. Xa temos as 7, ou 10 herbas do San Xoán preparadas, e xa pensamos en como afrontar a festa. Nós xa recollimos as espadana de río, romero, cardo santo, malva de olor, codeso, fiuncho, herbaluisa, fieta real, chuchamel, rosas, bieiteiro e mais lavanda.

Son moitas as alternativas que ofrece a bisbarra para disfrutar desta máxica velada de lume e maxia, e que podedes repasar tamén na Axenda Costa da Morte.

E comezamos polo San Xoán no Ézaro. As gaitas e o blus compartirán espacio coas sardiñas, a broa e a queimada. Ademais a cacharela deste ano vén xigante...

Por Sardiñeiro tamén celebran o San Xoán, cunha gran sardiñada a partir das 21:00h amenizada por un grupo de gaitas e o grupo musical Nuevo Ritmo.

Pero a lumarea máis grande estará en Camariñas, no marco incomparable da Praia de Area da Vila.

Tamén en Corcubión invitarán a unha boa sardiñada. Mentres que na parroquia cabanesa de O Esto celebran unha gran sardiñada, amenizada pola Nueva Generación, e El Parga – Tío Pío.

Ademais, en Baio, a AMC Pepe Valiña-Coral Xan Mella de Baio prenderá a cachela ás 21:00h na Praza Braulio Astray.

Por se acaso, deixámosvos este conxuro para facer unha boa queimada...

Novas relacionadas

• As 7 herbas de San Xoán .

Máis información

• Axenda Costa da Morte.

Fonte

• Redacción de QPC (info@quepasanacosta.gal).