Mércores. 16.10.2019
El tiempo

En Marea pide a paralización das destrutivas obras do parque eólico de Mouriños

Imaxes bras de instalacion dos eólicos na Serra de Gontón
Imaxes bras de instalacion dos eólicos na Serra de Gontón
En Marea pide a paralización das destrutivas obras do parque eólico de Mouriños

O pasado luns publicabamos unhas crúas imaxes do que están supoñendo para a Serra do Gontón as obras de construción do parque eólico de Mouriños. Unhas imaxes que fixeron eco no grupo de En Marea, que veñen de solicitar á Xunta a paralización cautelar dunhas obras que están arrasando unha das últimas zonas virxes da comarca de Bergantiños.

O grupo atende así as demandas de numerosos colectivos como Salvemos Cabana ou a Sociedade Galega de Historia Natural (SGHN), e denuncia que este proxecto "é a demostración de que o PP aposta por un modelo de desenvolvemento económico insostible, asentado no expolio e na destrución do territorio", no canto de defender a ampliación da Rede Natura ou de aprobar as Directrices da Paisaxe, “outra promesa incumprida de Feijóo para 2017”.

Segundo o deputado Antón Sánchez, "A empresa Naturgy comezou a obra sen respectar o patrimonio da zona causando danos irreversibles e vulnerando a Declaración de Impacto Ambiental”. Lembra ademais que se fixeron detonacións que afectaron a formacións rochosas antes de avaliar o seu interese xeomorfolóxico.

Obras de instalacion dos eolicos en Cabana 2

Novas relacionadas

Outros artigos eólicos

Comentarios