actividades-outono-cabana-bergantinos "Outono do patrimonio" é o nome do programa cultural que vén de anunciar o concello de Cabana de Bergantiños para os vindeiros días e que xa arranca mañá venres coa proxección do documental "Aínda recordo, aínda" que terá lugar ás 16 horas no auditorio do centro social de Neaño e ao que asistirán usuarios e familias do centro de día. Xa en outubro haberá varias citas. A primeira será o mércores 18 de outubro ás 12:30 horas no auditorio municipal onde o alumnado de primaria de Cabana de Bergantiños interpretará "Moendo muiñeiras"; un espectáculo de teatro, danza e música. Batuko Tabanka ofrecerá o domingo día 22, ás 17 horas, unha actuación que se leva a cabo grazas á colaboración co Fondo galego de Cooperación. A seguinte cita será o día 28 ás 19 no mesón o Xastre de Anos que acolle unha foliada na que tocarán e bailarán os membros de O Son do Castro, Os Farrapos e os gaiteiros de Anos. Ao día seguinte, o domingo 29, celebrarase un Samaín solidario e un magosto na praza de Neaño. E xa o martes 31 de outubro, o alumnado de secundaria do CPI As Revoltas asistirá a representación de "Menú magníficos" de Os Sete Magníficos máis un. O centro arqueolóxico do Dolmen de Dombate acolle o 10 de novembro un "encontro interxeracional no verán de San Martiño" no que participan o alumnado de todos os centro educativos do municipio xunto cos usuarios e usuarias do centro de día. A cita comeza ás 10 horas e haberá xogos, tren  do castañeiro e unha escenificación teatral da man de Os Quinquilláns. Volve a foliada o sábado 18 de novembro a partir das 19 horas. Nesta ocasión será na parrillada O Rempenín e no bar Josefa, de a Mata. Ao día seguinte, o 19 de novembro, ás 18 horas a compañía Talía Teatro interpretará a súa obra "Foucellas". E como vén sendo habitual nos últimos anos, durante a ponte de decembro os bares de Neaño e Canduas farán a súa ruta de "Saberes e sabores de Cabana de Bergantiños". Durante estes meses de tempada baixa o centro arqueolóxico do Dolmen de Dombate ofrece visitas guiadas de venres a domingo en horario de 10:30 a 14 e de 16 a 18:30 horas.

Novas relacionadas

• Dombate bate marcas de visitantes
• Máis de 4.780 persoas visitaron en xullo o dolmen de Dombate.
• O Dolmen de Dombate recibe case un millar de escolares cada mes
• 1.700 escolares derrubaron as portas do Castelo de Vimianzo coas visitas guiadas.
• Os donos e donas dos monumentos megalíticos de Vimianzo visitan Dombate.
• Os Concellos de Cabana e Malpica seguirán xestionando o Dolmen de Dombate e o ecomuseo do Forno do Forte en 2017.
• O Dolmen de Dombate e Castro Borneiro recibiron 10 grupos durante o mes de novembro.
• Máis de 2.600 persoas visitan o Dolmen de Dombate no mes de setembro
• O Dolmen de Dombate, premio do Clúster da Madeira e o Deseño de Galicia á sustentabilidade
• Máis de 11.000 visitaron Dombate este verán.

Fonte

• Redacción QPC (info@quepasanacosta.com)
• Concello de Cabana de Bergantiños