Dende xaneiro non tiñamos novas do polémico proxecto da mina de ouro de Corcoesto. Parece que non damos esquecido este plan industrial e un dos temas que máis preocupaban as xentes da activa Plataforma en Defensa de Corcoesto era o da posible caducidade das concesións.

Dende a Plataforma estaban convencidos de que as concesións mineiras non estaban vixentes, algo que invalidaría o proxecto. Xa a finais de 2012, un compañeiro da Plataforma solicitou acceso á documentación relativa a ditas concesións, coa intención de comprobar se as sospeitas da entidade tiñan base. Ao non serlle facilitada esta documentación, interpuxo unha demanda en relación ao tema.

Esta semana o Tribunal Superior de Xustiza de Galicia vén de darlle a razón a un membro da Plataforma recoñecendo o seu dereito de acceso á documentación relacionada coas concesións do proxecto mineiro de Corcoesto. Condena así á Administración demandada (a Xefatura Territorial de Enerxía e Minas de A Coruña) a expedir e entregar copias dos documentos relacionados co estado das concesións.

”Estamos á expectativa de que a Xefatura Territorial cumpra coa súa obriga, e actúe tal e como se lle indica no fallo do Tribunal, entregando as copias da documentación solicitada”, sinalan dende a Plataforma. “É lamentable que esta sentencia chegue con tantos anos de retardo”, lamentan a pesar da sentenza favorable.

Interrogantes

Un retardo que provoca varias inquedanzas entre a plataforma: “De que nos tería servido que se nos recoñecese agora o dereito a acceder a esa información, mesmo aínda que as concesións non estivesen vixentes, tal como nos pensamos, se o proxecto de Corcoesto estivese xa en marcha? Que levou á administración a ocultar o estado das concesións durante tanto tempo? Cal foi o motivo para que a Xefatura Territorial de Enerxía e Minas de A Coruña puxese tanto empeño en obstaculizar o noso acceso a esta información concreta?

Novas relacionadas

• Xaneiro 2017: Denuncian que o borrador do PXOM deixa aberta a recuperación da mina de ouro de Corcoesto.
• Abril 2016: O Concello de Cabana persónase xudicialmente a favor da mina por unha posible indemnización.
• Xaneiro 2016: Petón do Lobo presenta sinaturas para tratar sobre os dereitos mineiros de Corcoesto no PXOM de Cabana.
• Outubro 2015: A Xunta determina a perda definitiva dos dereitos mineiros de Corcoesto por parte de Edgewater.
• Marzo 2015: Unha reflexión sobre a loita social bergantiñá na documental Tesouro de Corcoesto.
• 07-01-15: A empresa canadense Edgewater perdeu os dereitos mineiros de Corcoesto (e toda a historia).

Outras novas

• 07-04-16: O debate sobre o proxecto mineiro Isabela II volve ao Parlamento.
• A Deputación di non ao proxecto mineiro Isabela II
• Isabela II é só o principio do proxecto mineiro da Xunta para toda Galicia
• O proxecto mineiro Isabela II chega ao Parlamento.
• Os concellos de Zas e Vimianzo rexeitan o proxecto mineiro Isabela II
• 11-02-2016: Piden máis información sobre o proxecto mineiro de Isabela II a unha semana do peche do prazo de alegacións
• 05-02-17: BNG e AGE piden a paralización do novo proxecto de minería que ameaza a Costa da Morte.
• 27-01-16: 17 organizacións declaran a alerta social en contra das novas concesións mineiras.
• 22-01-16: Isabela II: a nova mina que ameaza terreos de Coristanco, Santa Comba, Vimianzo e Zas.

Fonte

• Redacción de QPC (info@quepasanacosta.com).