Caballero expón a súa idea de “PSdeG postcovid” na Costa
09:03 23/10/21
O candidato ás Primarias do PSdeG-PSOE Gonzalo Caballero desprazouse onte ata a Costa da Morte para manter encontros coa militancia socialista de Cee, Vimianzo e Camariñas. Dende alí, reivindicou “a forza da militancia para seguir fortalecendo o proxecto socialista de Galicia” e dar así “unha alternativa de progreso para os galegos e as galegas”.
Caballero avanzou que incorporará novos compañeiros e compañeiras nos órganos dunha dirección "renovada e reforzada" para o “PSdeG poscovid”.
“A militancia sabe que non hai merlos brancos e que a única fórmula para gañar as eleccións é traballo, lealdade e esquerda”, concluíu.
