Camariñas abre o prazo de preinscrición para os campamentos de verán pero espera máis información sobre os protocolos
09:27 08/06/20
Coa chegada da Fase 3, parece que os Concellos, despois das numerosas queixas teñen unhas pequenas nocións sobre como desenvolver os Campamentos de Verán, fundamentais para a conciliación. A Escola de Verán da Asoc. Monte Branco do Couto en breve abrirá o prazo de inscrición, e por Camariñas, o Concello anuncia que abre hoxe o prazo de preinscrición para os campamentos ‘Concilia’ de verán e de actividades náuticas.
En todo caso, desde a administración local apuntan que ‘cando os protocolos de actuación sexan oficiais, lanzaremos o periodo de inscrición’.
O Concello lanza un formulario en liña, que se pode cumplimentar desde o sitio web da administración e tamén desde a páxina de Facebook. O prazo remata o 14 de xuño ás 23:59 horas.
