Sábado. 25.06.2022
El tiempo

O desfile de ‘ArtEncaixe’ apóiase na Olería de Buño para consolidarse na Mostra

  • ‘Devotaylomba’ regresa á pasarela da Mostra do Encaixe cunha colección “fresca y preparada para el verano”
Mostra de Encaixe Artencaixe 2 copia
Imaxe da Artencaixe no desfile do ano pasado
O desfile de ‘ArtEncaixe’ apóiase na Olería de Buño para consolidarse na Mostra
12 artesáns de toda Galicia achegarán as súas creacións artísticas de encaixe na XXXI Mostra de Encaixe de Camariñas, no marco do desfile ArtEncaixe. A iniciativa, qeu se estreaba o ano pasado, busca consolidarse este ano, apostando polo patrimonio e o talento galego.

E unha das apostas é a integración da Olería de Buño. Alfarería Lista, Tendataller Feituras, Obradoiro Gorín e O Rulo serán os encargados de presentar as coleccións de olería e encaixe.

Ademais, tralo gran espectáculo ofrecido na trixésima edición, a ONG Egueire integrarase neste desfile, mesturando a tradición de Costa de Marfil coa da Costa da Morte.

A ONG Egueire participa na Mostra de Encaixe
A ONG Egueire participa na Mostra de Encaixe

Completan o desfile de ‘ArtEncaixe’: Ana Freiría (orfebrería artística), Charo López Atelier (complementos de moda), Estilo Aramar (complementos de moda), Janet Schulz (tocados de noiva), Arteviares (artesanía en vidro), Mar Barral (laboratorio de ideas), Noelia Peña (xoiería de autor con deseños personalizados), Pilar Rodríguez ‘En Lá’ (artesanía en complementos textís), Suso Calo (artesanía en plata e talla) e Xelis Luaces (encaixe experimental e aplicación).

‘DEVOTAYLOMBA’ regresa á pasarela

O primeiro nome da lista de confirmacións da alta costura de cara á XXXI Mostra do Encaixe de Camariñas Deputación da Coruña supón o regreso de ‘Devota y Lomba’, a firma de Modesto Lomba, ao desfile de ‘Grandes Deseñadores’.
O deseñador non puido participar na pasarela nas dúas últimas edicións do evento, aínda que si o fixo como xurado do concurso de Noveis Deseñadores do ano 2019.

Novas relacionadas

comentarios