Un tesouro sen fondo son as nosas rías. Seguimos descubrindo marabillas e abraiando a investigadores europeos que recoñecen a riqueza dos pecios da Costa da Morte. Desta volta, un grupo da Real Liga Naval Española localizou o pecio dun galeón do século XVI a 4 millas ao suroeste do porto de Santa Mariña, no municipio de Camariñas.

O achádego produciuse tralo descubrimento entre as súas redes por parte dunha embarcación da zona dedicada á arte do miño dun anaco de ánfora e unha peza metálica, que podería ser unha espada moi deteriorada, polo que un membro da tripulación deu parte a membros da citada entidade. A delegación da Real Liga Naval Española na Costa da Morte, formada polo divulgador da Ponte do Porto Rafael Lema e o buzo Angel Samuel Herrera, comprobou que un dos restos tratábase dunha ánfora ou tinaja das usadas e os galeones españois dos séculos XVI e XVII, moitas delas elaboradas en Buño.

O anaco inferior da tinaja de barro conserva esmalte no seu interior ao estar enterrada en area. É un fragmento de ánfora de pé plano cunha base de 13 centímetros e un diámetro no seu parte central de 28 centímetros, e un grosor da súa parede de 9 milímetros. A olla podería ter máis de 40 centímetros de altura en perfecto estado. ”Podería pertencer á urca Ángel Gabriel de 350 toneladas”, asegura Lema.

Ademais no punto dos feitos localizouse un pecio antigo con depósito de pezas de cerámica e indicios de canóns, nunha zona onde algunhas embarcacións adoitan pescar rape, raia e juliana, coñecida como O Limpo, xa que se trata dun área de areas, nas que estaría enterrado o galeón.

Un “galeón español de guerra” da Armada Padilla

Conta Lema que “polas particularidades da zona e os indicios dos restos é posible que se trate dun galeón español de guerra polo que en principio desde a entidade atribúen o pecio a un dos 25 galeones, urcas e pataches perdidos o 28 de outubro de 1596 polo almirante Martín Padilla ao seu paso por Fisterra, cando se dirixía á Coruña para formar parte dunha armada de apoio á cusa irlandesa contra Inglaterra reinando Felipe II. Nesa desgraza perdéronse 1723 homes. Crese que os barcos franceses O Francés e O Delfín de Olona perdéronse nas costas de Camariñas, o que podería ser unha referencia para o pecio achado”.

Outros barcos perdidos con toda a súa xente no área de cabo Vilán son o Jonás, A Vaca e o Ángel Gabriel. Este último o maior do grupo, unha urca de 350 toneladas, con 174 mortos entre soldados e mariños. Desde da RLNE apuntan a este barco como o que ten mais posibilidades de adscribirse ao pecio achado.

A Armada de Padilla finada nas augas da Costa da Morte

A Armada de Padilla conformábana máis de 60 barcos, e deles perdéronse na Costa da Morte: galeón Santiago, La Esperanza, galeón San Pedro y Santiago (Portugal), Galizabra (Portugal), nao Anunciada (Portugal), galeón Capitana de Ivella, galizabra Santa Cruz, Ángel de Zacumbelum, Morion, Jonás el Grande, David de Pedro Frías, Charrúa de Ocar, Saetía Marsellesa, Ángel de Henrique Fenis, Sansón el Pequeño, Santiago de Pedro Lines, San Pedro de Sevilla, Santiago da Terceira (Portugal), Mezmán, El Domingo (irlandés), Ángel Gabriel de Paulo Viera, La Vaca de Pedro Juan, Jonás el Pequeño, El Francés de Olona (francés), El Delfín de Olona (francés).

O 28 de outubro de 1596. sucedeu o maior desastre mariño da nosa costa, coa perda de parte desta armada formada por galeón, urcas, naves, pataches e galizabras españolas, portuguesa, francesas, e irlandesas. 1.723 mortos de 3.425 marineros embarcados foron as vítimas, moitas enterrados nos dous grandes arenales de Fisterra. Sobre algúns dos pecios do seo de Corcubión estanse levando a cabo traballos de investigación e catalogación. O galeón San Jerónimo en cabo Cee foi obxecto dunha intervención arqueológica e parte dos seus efectos e poden ver no museo coruñés do castelo de San Antón.

Novas relacionadas

• Rafael Lema leva a Italia o Camiño milenario ao Finisterre galego nun libro.
• A novela sobre U-49 de Rafael Lema representará a Galicia un congreso luso-galaico.
• A Costa da Morte non esquece o Serpent.
• Investigadores europeos destacan a riqueza dos pecios da Costa da Morte.
• Os alumnos de Cee coñecen de preto a Costa dos mil naufraxios.
• Rafael Lema comezou no Mosteiro de Ozón a súa promoción do novo Catálogo de Naufraxios.
• Rafael Lema e Concha Blanco, dos costeiros para un curso da USC en clave feminina.
• Ribeira toma nota dos naufraxios da Costa da Morte con Rafael Lema.
• Rafael Lema e Miguel San Claudio, medalla ao mérito cultural polos seus submariños traballos arqueolóxicos.
• O Catálogo de Naufraxios de Rafael Lema será publicado pola Deputación.
• Rafael Lema e Miguel San Claudio reciben a Medalla ao Mérito Cultural.
• Rafael Lema presentou os seus soños e naufraxios en Carballo.

Máis novas de naufraxios

• Rafael Lema comezou no Mosteiro de Ozón a súa promoción do novo Catálogo de Naufraxios.
• Emoción e vida nun ateigado Naufraxio de Laxe.
• Localizan a campá do carboeiro italiano naufragado no Vilán en 1893.
• Localizan o pecio das Dúas Catalinhas nas rochas de Camariñas.
• Localizan o outro Cemiterio dos Ingleses nos montes de Camelle.

Outras novas

• Os mapas de naufraxios de Pepe de Oleghario. Uns verdadeiros tesouros.
• A Gabarra Prima espera auxilio.
• Malpica lembrou cun libro o 125 cabodano do naufraxio do Priam.
• De pecios ou tesouros submariños.
• Camariñas entregou as Flores da Memoria aos náufragos do Serpent.
• Cando naceu o nome da “Costa da Morte”? Un estudio de Rafael Lema.
• Os Naufraxios da Costa da Morte protagonistas dunha documental de Cuarto Milenio.
• Os 500 naufraxios da Costa da Morte.
• Costa da Morte, marco perfecto para o Necroturismo.
• As anécdotas de 454 naufraxios na Costa da Morte nun libro.
• O Naufraxio de Laxe celebrou a súa declaración como Festa de Interese Turístico con máis emoción que nunca.
• Lema Suárez estréase coa súa primeira novela de piratas “Costa do Solpor”.
• 4 novos tesouros en forma de pecios na augas da ría de Corcubión.

Fonte

• Redacción de QPC (info@quepasanacosta.gal).
• Información e fotos achegadas polo divulgador Rafael Lema.