Mércores. 28.10.2020
El tiempo

A muller camariñá, máxima protagonista da Mostra do Encaixe

Unha palilleira de Camariñas nunha imaxe de Ruth Matilda Anderson en 1924
Unha palilleira de Camariñas nunha imaxe de Ruth Matilda Anderson en 1924
A muller camariñá, máxima protagonista da Mostra do Encaixe

Xa pensa o Concello de Camariñas na XXX Edición da Mostra do Encaixe. Unha edición moi especial, que porá o foco no “papel da muller camariñá como elemento vertebrador na sociedade camariñá”.

As palilleiras e costureiras serán as grandes protagonistas, destacando nesta ocasión as cincuenta mulleres costureiras de Camariñas que elaboraron material de protección para a veciñanza de xeito totalmente altruiísta. Tamén, por suposto, as mulleres que rexentan unha tenda de Encaixe.

Pero a organización tamén quere aplaudir iniciativas como a da compostelá Edith del Valle, quen acaba de lanzar unha liña de mascarillas que levan o nome de mulleres singulares de Camariñas. Unha delas, por exemplo,leva o nome dunha das compoñentes do primeiro equipo de balonmán femenino camariñán aló polo 1956: ADELA.

ADELA na mascarilla de Edith del Valle
Mascarilla de Edith del Valle co nome de ADELA

‘Desde a Mostra, como mulleres pero tamén como camariñás que somos, parécenos relevante reivindicar a figura da muller a través do Encaixe, polo que supón para o noso municipio, pero en diferentes ámbitos, como no tecido comercial e empresarial ou no deporte’, destaca Dolores Lema, a directora da Mostra.
Por outra banda, a concelleira de Encaixe, Encarna Liñeiro, quixo agradecer ‘o que todas elas fixeron e fan por Camariñas, polo Encaixe e, en definitiva, por cada un e unha de nós, por facer o municipio que hoxe somos: un referente Mundial’, declarou a edil.

Novas relacionadas

comentarios