Só quedan dúas das 8 etapas do Camiño dos Faros por convertir en real. Esta idea de vertebrar o litoral da Costa da Morte por sendeiros a pé, que nace na rede, dun xeito virtual e gracias ao voluntarismo do anónimo Traski e a súa familia, e que pouco a pouco se está a convertir nunha das guías de sendeirismo máis traballada e máis importante da Costa da Morte.
Unha guía que debería ser tomada en consideración polos GAC, GDR, APTCM, Neria... de turno, para artellar un plan de roteiros ben sinalizados e promocionados publicamente. Veremos.

O caso é que o pasado domingo 14 de xullo, 45 trasniñ@s chegados de toda Galicia se aventuraron a percorrer a 6ª etapa que une Camariñas e Muxía. Unha etapa longa e chea de calor, pero que as marabillas naturais fixeron máis levadeira.

A saída da vila dos encaixes se fixo polo Paseo Marítimo e a praia de Area da Vila, antes de entrar no carreiro que percorre a Enseada da Basea ata Xaviña. Comeza aí a Ruta da Insua, roteiro homologado que leva ata a fermosa Praia de Ariño. Xusto en fronte, vemos a praia de Area Branca, xa no municipio de Muxía, pero para chegar a ela hai ter que facer aproximadamente 8 quilómetros.

Aí o Camiño tense que meter algo no interior, polo fermoso tradicional de Tasaraño e Dor, para chegar a Allo e a Ponte do Porto, onde se cruza o río Grande moi próximo ao seu desembocadura e do pequeno porto, que, noutros tempos, tivo un importante tráfico maderero. Durante anos, esta pequena poboación foi o centro comercial de toda a comarca.

Eran as dúas e media da tarde e estabamos chegando a Cereixo. Este pequeno tramo do paseo garda moitos tesouros como o Muiño de Mareas, a Igrexa de Santiago e as Torres de Cereixo. Logo de darlle ao dente e descansar un pouco toca marchar a cubrir a segunda parte da etapa camiño de Muxía.

Antes de chegar a Lago, cómpre a Area Longa por unha senda de piñeiros e eucaliptos que forman esta parte da ribeira do Río Grande. A marea xa baixara e podíase gozar en toda plenitude deste paraíso. Pero o baño tocou na Praia de Leis, e na Praia do Lago.

De aí a Merexo, e de contado cara Os Muiños e o seu impresionante percorrido polos muíños do Río Negro.

A chegada ata Muxía faise algo incómoda tras 10 horas de andaina pero se agradece cando unha vez no alto do Corpiño disfrutas das vistas de Muxía e de toda a ría. E para rematar, visita á Igrexa e ás pedras da Virxe da Barca, unha desas paradas inesquecibles no camiño, antes de rematar a ruta no quilómetro 0 do Prestige, o Coído.

Penúltima etapa

Agora, para pechar este Camiño dos Faros, o vindeiro 25 de xullo toca facer real a 7ª etapa entre Muxía e Nemiña, penúltima etapa antes de chegar a Fisterra.

Máis información

• guiacostadamorte.blogspot.com.
• Recunchos da Costa.

Novas relacionadas

• 5ª etapa do Camiño dos Faros: A imaxinación vai a pé.
• 4ª etapa do Camiño dos Faros: O Camiño dos Faros xa non ten volta atrás.
• 3ª etapa do Camiño dos Faros: Os camiñantes vertebraron a Costa dende Ponteceso a Camariñas pasando polo Monte Pindo.
• 2ª etapa do Camiño dos Faros: Os camiñantes foron unha fin de semana máis os protagonistas.
• 1ª etapa do Camiño dos Faros: O Camiño dos Faros ábrese ao mundo.
• Percorrendo a pé, e con Traski, o Camiño dos Faros da Costa da Morte.

Máis novas

• Natureza, historia e etnografía facendo sendeirismo por Malpica.
• Javier Couto: “O turista cada día é máis esixente, e cada vez pide máis sendeirismo”.

Máis novas

• O primeiro Roteiro Natural do Concello de Malpica cumpre 25 anos.
• Os Camiños do Mar lévannos a Ponteceso.
• Xeocaching: En busca do tesouro agochado.
• Facendo cumio do Roteiro das Peixeiras do Monte Pindo.
• Roteiros homologados na Costa da Morte?.

Fonte

• Redacción de QPC ([email protected]).