O Encaixe de Camariñas en vuelo directo Madrid-México

Camariñas Cultura Costa da Morte

O Encaixe de Camariñas en vuelo directo Madrid-México

08:24 26/09/16

Encaixe de Camarinas na Madrid Fashion Week con Josee Matteos

O Encaixe de Camariñas na Madrid Fashion Week con Josee Matteos

Segue en marcha a internalización da nosa artesanía máis cosmopolita. O Encaixe de Camariñas está máis de moda que nunca e despois de pasar por unha mostra portuguesa, e chegar a LA, desta volta vai cara México, tras facer escala en Madrid.

A pasada semana estivo presente na Mercedes Benz Fashion Week de Madrid, gracias ao deseñador Josse Matteos, un dos fixos da mostra costeira que sempre aposta polo noso encaixe.

E sen tempo a descansar, o próximo destino do Encaixe de Camariñas® será México. O Concello de Camariñas acode novamente a Termatalia, a Feira Internacional do Turismo Termal, Saúde e Benestar. Esta nova edición, a 16, terá lugar en Coahuila, México, do 29 de setembro ao 1 de outubro.

O pasado ano, unha delegación de Camariñas participaba por primeira vez nun espazo habilitado pola organización para a artesanía, un shopping no que xunto ás palilleiras realizando en vivo o seu labor, houbo exposición de pezas de roupa de fogar e complementos elaborados pola Asociación Profesional Rendas, ademais dunha colección de deseños dalgunhas grandes firmas que desfilaron pola pasarela da Mostra. O gran interese manifestado polo público levou non só a incluír nuevamente a Camariñas na programación, senón a contar con detalles elaborados con Encaixe de Camariñas como agasallo institucional por parte da organización.

Bolsas para panos e bolsitas perfumadoras foron os deseños escolleitos cos que Termatalia agasallará a autoridades e outras personalidades que acudan á edición mexicana. Polo momento son 20 os países que xa confirmaron a súa presenza en Cohauila, terceiro estado de México por extensión, situado na fronteira con Texas. Situada como a principal feira internacional do turismo de saúde, esta cita fomentará o intercambio de experiencias no ámbito empresarial, institucional e social co fin de impulsar o mercado do turismo termal e de Benestar, á vez que se establecerán vínculos científicos e comerciais entre o continente europeo e o americano.

Camariñas co seu Encaixe será a única excepción fóra do ámbito termal, da saúde e o benestar procedente de Galicia e presente na Feira. A delegación da vila do Encaixe compartirá espazo con artesanos mexicanos nun evento que sitúa a nosa comunidade como principal potencia nun mercado, o termal, de gran tradición e que contrasta cos mercados emerxentes de América Latina, onde o termalismo está aínda por descubrir.