Temos un só exemplar costeiro no Catálogo galego de Árbores Senlleiras. Pero que exemplar. O carballo de Vilar de Francos é toda unha eminencia, ata o punto que dende o Concello carballés se formularon a necesidade de ter descendencia.

Axentes medioambientais municipais veñen recollendo nos últimos meses os “fillos” da árbore senlleira, plantándoos en macetas e dándolles os coidados precisos para que medren sans e fortes. Xa hai máis de 170, pero serán moitos máis, porque o obxectivo é plantar un descendente do Carballo de Vilar de Francos por cada neno ou nena que naza no concello ao longo do ano 2020.

Día do Medio Ambiente: Axenda 2030

Ademais de perpetuar o noso carballo centenario, a iniciativa que presentaron onte, coincidindo co Día Mundial do Medio Ambiente, pretende implicar á cidadanía na Estratexia Carballo 2030, símbolo dun modelo urbano máis sustentable e que servirá como locomotora de crecemento e desenvolvemento para o conxunto do territorio.

Novas relacionadas

Máis novas

• Un carballo de Carballo, o único exemplar costeiro no Catálogo galego de Árbores Senlleiras.
• Algunhas cifras da #Axenda2030 carballesa.
  • Febreiro 19: Compartindo a nosa senlleira natureza polo día da Árbore.
  • Monte Veciñal de Carballo: "É necesario recuperar espazos que lle son propios ás frondosas autóctonas e ao agro”.