Este sábado 28 de xaneiro ás 20:00h, o Pazo da Cultura de Carballo, como no Interplay, volverá ser o centro da rede galega, coa celebración da Gala dos Premios Youtubeiras 2022. Un proxecto para fomentar a creación audiovisual na nosa lingua, iniciado hai 6 anos do que forman parte os servizos de normalización lingüística dos concellos de Ames, A Baña, O Grove, Moaña, Negreira, Pontevedra, Rianxo, Ribadeo, Rois, Santiago de Compostela, Teo, e, por suposto, Carballo, ademais das universidades da Coruña, Santiago e Vigo e da Deputación da Coruña.

Un total de 22 propostas finalistas (das 75 presentadas) aspiran a facerse cos oito galardóns nos que se divide o certame: canle, youtubeira/o, youtubeira/o revelación, vídeo, calidade lingüística, pioneiro, rede e o premio do público. Repartiranse 7500 euros entre as persoas gañadoras.

“Para Carballo é unha gran satisfacción celebrar esta gala, xa que os Premios Youtubeiras son unha iniciativa que fomenta o uso da nosa lingua nunha xanela fundamental para comunicarnos, para mirarnos e para mirar o futuro: a creación de contidos na Rede”, sinalou Marcos Trigo.
Trigo tamén puxo en valor “a colaboración institucional entre diversas administracións” na creación, organización e desenvolvemento do proxecto Youtubeiras.

Carme Pereiro deu cifras concretas da pasada edición, sinalando que as propostas presentadas abarcaban “2.600 vídeos, máis de 40.000 subscricións e máis de 2.743.000 visualizacións”. “Son números que dan boa conta do volume que acada a comunidade creadora de contidos da nosa lingua na Rede. Unha comunidade que nos enche de confianza no futuro e tamén de orgullo, de fachenda".

Relación de finalistas por categorías

Entre os finalistas atopamos á parella de costeiros Toxío, coa súa proposta de viaxes polo mundo, como candidatos ao premio principal.

1. PREMIO CANLE 

• Toxío
• Tonio Cociña Galega
• Fica Coa Bola

2. PREMIO YOUTUBEIRA

• Anxo Sánchez
• Neeumátiko
• La Bisonte

3. PREMIO VÍDEO

• ‘A Moura’, da canle Contos de Santalla
• ‘Bury your gays (Enterra aos teus homosexuais)’, de Henfunk Studio 
• ‘Eduardita’, de Piratas sen parche

4.YOUTUBEIRA/O REVELACIÓN

• Marcos Borragueros
• Histérikas Histórikas
• Falemos do Reino de Galicia

5. PREMIO CALIDADE LINGÜÍSTICA 

• Media Laranxa
• Falemos do Reino de Galicia
• Webserie Cóntallo a Cambados: 

7. PREMIO PIONEIRO

• Noticia dispersas
• Gallifrey Ceive
• Pingado - Laura Veiga

7 PREMIO REDES:

• Proxecto R.E.D.E.S.  
• A Lobeira Today
• Exército Mekemeke

8. PREMIO DO PÚBLICO

• ‘Bembibre coas Tanxugueiras’, de Xabi Gómez e Sara
• ‘Mitos e ritos do tempo de Defuntos. Conversa con Lidia Mariño’, de Orgullo Galego
• ‘Eduardita’, de Piratas sen parche