Domingo. 14.07.2024
El tiempo

Carballo artella novas actividades arredor da revolución do surf

Aprende a traves do surfing en Razo
Aprende a traves do surfing en Razo
Carballo artella novas actividades arredor da revolución do surf

Se estes días se desenvolve a fermosa iniciativa Aprende a través do surfing por Caión, o mundo das ondas tamén se espalla por Carballo.

Abrindo as celebracións do Día Internacional do Surf, que se celebra o 15 de xuño, o Concello carballés e a Asociación Un paso máis organizan para este venres unha fermosa actividade de deporte adaptado. Un total de 650 nen@s gozan esta semana de novas actividades enmarcadas no proxecto Rede de Pobos do Surf,

265 estudantes de secundaria dos IES Monte Neme, Alfredo Brañas e Parga Pondal, están estes días participando en divertidas actividades destinadas a espallar os valores terapéutico, igualitario, inclusivo, ecolóxico e patrimonial do surf. Da man das escolas de Razo, Boaola, Art Surfcamp e Paua, que se estreará mañá coa xornada de surf adaptado.

Rede de Pobos do Surf

Xornada da Rede_pobos do Surf en Razo
Xornada da Rede de Pobos do Surf en Razo
Carballo e a Mancomunidade de Concellos da Comarca de Ferrol, en Galicia, e os municipios de Getxo (Euskadi), Ribamontán al Mar (Cantabria) e Castrillón (Asturias) son os municipios que formarán parte da Rede de Pobos do Surf, que persegue a xestión sostible do turismo de surf dun modo integral, que contribúa á conservación do medio natural, fomentando a protección das ondas e da costa e a súa regulación. Así mesmo, ten como obxectivo a promoción do patrimonio cultural, con especial énfase na gastronomía e a historia de cada municipio que pertenza á rede.

A iniciativa recolle a creación de novos produtos turísticos ligados a actividades sostibles tematizadas (surf e patrimonio cultural, surf e lecer en familia, e surf e gastronomía), tendentes á desestacionalización do turismo nos respectivos territorios.

Máis novas

Comentarios