O programa de compostaxe urbano carballés segue dando os seus froitos. En novembo realizábase a primeira entrega, e entre o domingo e o luns repartíronse 80 bolsas máis de compost entre as familias carballesas que participan no programa “Ti tes a chave”.

O concello instalou un posto informativo na Milagrosa e na zona do Hospital, por onde pasaron tamén numerosas persoas interesadas en unirse aos programas de compostaxe do Concello de Carballo. De feito, tramitáronse 25 solicitudes de chave para o contedor marrón e 6 para novos composteiros individuais.

Co reparto de compost, o primeiro producido na planta de compostaxe de Cerceda grazas á colaboración da veciñanza carballesa, queren visibilizar os resultados que poden acadarse cun xesto tan sinxelo como depositar os residuos orgánicos nos colectores de cor marrón.

Ademais da iniciativa “Ti tes a chave”, que se desenvolve na zona urbana e na que participan xa máis de 1.000 familias e establecementos comerciais e hostaleiros, nestes momentos contamos con preto de 700 familias no conxunto das parroquias que contan con composteiros individuais. O prazo para participar en calquera das dúas modalidades de recollida selectiva dos residuos orgánicos está permanentemente aberto. Infórmate en www.carballolimpo.com.

Novas relacionadas

• Novembro 21: Centos de veciñ@s de Carballo e A Laracha usan a primeira fornada do compost urbano do programa #TitesaChave.
• Abril 21: 1.253 familias e 123 establecimentos de Carballo teñen a chave da compostaxe urbana.
• Marzo 2021: 567 familias carballesas xa compostan na casa.
• Xuño 2020: As familias de Carballo xa superan a reciclaxe de 11.100 quilos na quinta fracción .
• Xullo 2020: Gran acollida do programa "Ti tes a chave" de Carballo na súa primeira semana de funcionamento.
• Xullo 2020: A Laracha espalla o colector marrón da quinta fracción.
• Maio 2020: A recollida selectiva da quinta fracción orgánica segue funcionando na Laracha.
• Febreiro 2020: 400 familias e 41 empresas xa son usuarias do servizo de colector marrón de residuos orgánicos de Laracha.
• Febreiro 20: 1.200 laracheses dan uso ao Punto Limpo do Formigueiro.
• Xaneiro 20: A Laracha, xunto con Carballo, concellos pioneiros na implantación do colector marrón.