Venres. 29.03.2024
El tiempo

Limpando un mar de pequenos plásticos

  • As limpezas dos centros de ensino de Baio, Fisterra e Muros foron adiadas polo mal tempo
Limpeza de praias con Senda Nova
Limpando un mar de pequenos plásticos

O mal tempo durante o pasado venres impediu que os centros de ensino de Baio, Fisterra e Muros puidesen participar na VIII Limpeza Simultánea de Praias que organiza ADEGA. En principio, e a falta de confirmación oficial, a sesión de limpeza e concienciación ambiental podería realizarse este venres 25, para darlle un bo repaso ás praias de Traba, Talón, San Francisco e Boca do Río.

A que xa quedou moito máis limpa foi a praia de Baldaio, pois @s brav@s voluntari@s de Senda Nova non sucumbrion ao tempo e acodiron á chamada cívica. Por primeira vez utilizaron unha APP para ir anotando todo o lixo recollido e ter datos así máis reais para analizar. Foron en total 50kg de lixo, entre eles varios tubos enormes.

Mar de microplásticos

Chan de plasticos na praia de Baldaio con Senda Nova

Pero o que chamou a atención foi a gran presenza de microplásticos, ademais imposibles de recoller a man.Os bastonciños de sempre, tapóns, boliñas… que practicamente formaban un chan de plástico enriba da vexetación da zona. “Unha situación moi preocupante e sobre todo que produce unha angustia e unha frustración moi grande, ao ver que a pesares de estar poñendo todos os esforzos en retirar este lixo, é totalmente imposible realizalo”, valoran dende Senda Nova.

En todo caso, un pouco máis limpa ficou a lagoa, e a sesión de concienciación tamén foi máis que válida. Tocará seguir facendo.

NOVAS RELACIONADAS

LIMPEZAS VOLUNTARIAS DE 2019

Comentarios