Limpando un mar de pequenos plásticos
- As limpezas dos centros de ensino de Baio, Fisterra e Muros foron adiadas polo mal tempo
O mal tempo durante o pasado venres impediu que os centros de ensino de Baio, Fisterra e Muros puidesen participar na VIII Limpeza Simultánea de Praias que organiza ADEGA. En principio, e a falta de confirmación oficial, a sesión de limpeza e concienciación ambiental podería realizarse este venres 25, para darlle un bo repaso ás praias de Traba, Talón, San Francisco e Boca do Río.
A que xa quedou moito máis limpa foi a praia de Baldaio, pois @s brav@s voluntari@s de Senda Nova non sucumbrion ao tempo e acodiron á chamada cívica. Por primeira vez utilizaron unha APP para ir anotando todo o lixo recollido e ter datos así máis reais para analizar. Foron en total 50kg de lixo, entre eles varios tubos enormes.
Mar de microplásticos
Pero o que chamou a atención foi a gran presenza de microplásticos, ademais imposibles de recoller a man.Os bastonciños de sempre, tapóns, boliñas… que practicamente formaban un chan de plástico enriba da vexetación da zona. “Unha situación moi preocupante e sobre todo que produce unha angustia e unha frustración moi grande, ao ver que a pesares de estar poñendo todos os esforzos en retirar este lixo, é totalmente imposible realizalo”, valoran dende Senda Nova.
En todo caso, un pouco máis limpa ficou a lagoa, e a sesión de concienciación tamén foi máis que válida. Tocará seguir facendo.
NOVAS RELACIONADAS
- Outubro 2018: Moito máis que unha limpeza. Unha xornada de concienciación directa na VII Limpeza Simultánea de Praias.
LIMPEZAS VOLUNTARIAS DE 2019
- Recollen unha moto, e centos de toallitas, na XII Limpeza simultánea no Río Anllóns.
- "As limpezas dos fondos mariños son fundamentais para facer a parte máis urxente”.
- 14 barcos de Corme únense á unha campaña internacional de reciclaxe de plásticos no mar.
- Os voluntarios de Abellariza limparon o piñeiral e o areal de Balarés:
- O alumnado do Manuela Rial conciencia a toda a cidadanía limpando a praia da Concha.
- A illa Lobeira, moito máis limpa polo Día Mundial dos Océanos.
- Estudantes, voluntarios e mariscadoras únense para limpar de plásticos o banco marisqueiro da Basa.
- As limpezas na praia de Area Maior reducen cosiderablemente a presencia de lixo.
- Limpando o supermercado de lixo plástico de Touriñán:
