O Carballo Interplay, o Festival de Contidos Dixitais máis importante da península, ten activada a conta atrás cara os 8, 9, 10 e 11 de setembro. E unha das novidades será a recuperación do "Día PRO”, unha xornada con profesionais da comunicación. E será Portugal o país convidado, incidindo na querenza por unir pontes a través do Miño.

A cita será o 10 de setembro no Pazo da Cultura. Pola mañá contarán con Alberto Fernández, director de contidos dixitais de RTVE; Raquel García Trigueros, directora de contidos e marketing en Freeda España, e Clara Amechazurra Falagán, directora de contidos en Freeda España; e mais un dos responsables de Canal 180, canle cultural con 10 anos de historia reconvertidos na plataforma The Wrong.
Tamén estarán responsables de Freeda, un medio de comunicación dixital que se dirixe ao público feminino e conta en España cunha comunidade de 3 millóns de seguidores en redes sociais, e algún representante de Playz, a metade de RTVE de contidos dixitais, que volve ao festival.
De seguido, Rogério Gomes, xestor de proxecto en RTP Lab, e José Pereira, director da área de Innovación e Negocio da CRTVG, falarán sobre as estratexias dixitais dos medios públicos galegos e portugueses.
Unha boa nova que tamén terá visibilidade é a primeira vez que a Axencia Galega das Industrias Culturais inclúe mnas súas subvencións unha liña de axuda a proxectos de webserie en versión orixinal galega.

Pola tarde o Encontro PRO entre creadores e produtoras servirá para unir.

As persoas e entidades que queiran participar na xornada profesional poden inscribirse de xeito gratuíto en carballointerplay.com antes do 16 de agosto.Premio a proxectos de webserie en galego

O festival de contidos dixitais Carballo Interplay continúa a ser un ano máis un dos principais impulsores da creación de series web en Galicia co seu Premio a proxectos de webserie en galego, que ofrece un premio en de 3.000 euros para a produción de tres vídeos da serie do proxecto premiado. O prazo de presentación de solicitudes está aberto ata o 31 de xullo.

Novas relacionadas

• Febreiro 21: O Carballo Interplay lanza as datas da VIII edición e abre o prazo de inscrición.
• 25-11-2020: 23.000 visualizacións demostran o potencial da rede do Carballo Interplay.
• 22-11-2020: A creatividade fluíu na rede gracias ao Carballo Interplay.
• 19-11-2020: O Interplay abriu as portas… da túa casa.
• 2019: O Interplay moi ben, pero falta Carballo.
• 2019: O Interplay volveu convertir Carballo na capital da cultura dixital global
• 2018: Dinosaurio, a webserie do Interplay que narra a caída mundial da internet.
• 2018: O Interplay volveu convertir Carballo na capital estatal dos contidos dixitais.
• 2017: O Festival Interplay fai de Carballo a capital da cultura dixital global
• 2016: O éxito do III Carballo Interplay asegura unha cuarta edición no 2017
• 2015: O Carballo Interplay, os Óscars 2.0:
• 2014: As mellores webseries de España, premiadas no Carballo Interplay.