Este ano parece que a Avespa Velutina vén máis forte que nunca. Así o confirman as cifras que ofrece tanto o Servizo Municipal de Control de Praga como a empresa especializada Serpa, que está desenvolvendo a campaña de prevención no Concello de Zas.

A devandita campaña de trampeo acaba de rematar, e en Carballo o balance é de 15.952 raíñas capturadas (2.868 raíñas no mes de marzo, 7.870 no de abril e 5.202 no de maio, ademais dos 34 niños retirados), un 27,5% máis que o ano pasado. Unha cifra que tamén se corresponde co aumento do número de persoas colaboradoras, que pasou de 57 a 78, e de trampas, que se incrementou de 737 a 867.

O Servizo carballés lembra ademais que se rexistrou a primeira picadura a unha persoa que tivo que ser atendida no hospital.

Por Zas, a campaña de maio remataba con 301 raíñas fundadoras capturadas. A empresa Serpa constata tamén un “aumento tanto nos concellos como en trampeos que facemos a fincas particulares”, se ben matizan que ”nos trampeos xusto desta semana xa notamos un descenso de capturas de raiñas”.
A empresa explica que está traballando dun xeito o máis sostible posible e que ten patentado un sistema de cremación interna que non usa ningún veleno polo que é apto para ríos, regatos e cursos de auga.

Cómpre lembrar que podes avisar da presenza dun niño a través dos teléfonos 112 o 012.

Como é un niño secundario?

Novas relacionadas

• Maio 2020: As campañas de trampeo demostran a expansión da avespa velutina.
• Abril 2020: “Vale moito máis unha raíña capturada agora que mil trampas cheas no verán”.
• Abril 2020: A velutina non sucumbe ao coronavirus.
• Marzo 20: Concello, apicultores e veciñanza únense en Carballo contra a velutina.
• Febreiro 2020: Camariñas denuncia que o programa da Xunta contra a velutina non inclúe o trampeo.
• Setembo 19: Eliminando niños de velutina con drones.
• Agosto 19: A eclosión da velutina deixa sen marxe aos servizos de eliminación de niños