O ideal sería que dende a Xunta propuxeran un proxecto de reforestación integral e autóctona da superficies calcinadas polo lume coma o Monte Pindo. Pero sabemos que estas propostas nunca chegan (de feito hoxe mesmo Alfonso Rueda aseguraba que a Xunta non vai facer traballos de prevención contra as escorrentías), e que a cidadanía ten que porse por diante. E nesas Quino Pais, veciño do sur da bisbarra que se arrincou ao Olimpo Celta para prantar 15 carballos e outros 15 castiñeios no camiño cercano o Pedrullo.

Quino fai extensible esta iniciativa baixo o lema "Apadriña unha árbore no Monte Pindo", co afán de que sexamos moitos os que nos propoñamos rexenerar o monte coas nosas propias mans. "Os que eu plantei xa me vou encargar eu mismo de que medren ben, de que non teñan toxos o arredor nin pinos", indica Pais. Agora o resto tócanos a nós.
Quino apunta que polo menos nas zonas que teñen bastante terra no camiño cara A Moa, tales como o camiño ata o Pedrullo, o Chan de Lourenzo ou o camiño da Casa da Xoana, poidan medrar con árbores autóctonas.

A cousa sería tan sinxela como facernos cun ousiño, e unha ducia de carballos ou castiñeiros, que podemos conseguir nalgunha floristería, por exemplo en Quilmas, ou nalgunha vila das proximidades, e arrincar cara o monte e ir prantándoos ordenadamente.

Unha iniciativa conxunta

Dende aquí chamamos a todas as entidades que teñan relación co Monte Pindo, dende a Asociación Monte Pindo Parque Natural, á Asociación Pedramar, á Cooperativa de Agricultura Ecolóxica, ás Comunidades de Montes de Caldebarcos, Panchés, San Mamede... que superen algunhas rivalidades e que promovan unha iniciativa que vai ser positiva para todos.

Novas sobre incendios

• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Novas relacionadas

• Manifestación 2012: Un berro polo Parque Natural no Monte Pindo Xa!.

Fonte

• Redacción de QPC ([email protected]).