Fermosa a iniciativa da comunidade de Facebook Carnota A Coruña. Unha das páxinas costeiras na rede social que máis tempo leva espallando o nome do seu concello e da Costa da Morte, e que sempre o fai desinteresadamente. A nova iniciativa chámase ”Carnotáns polo mundo” e pretende achegar á realidade da diáspora carnotá pola rede. E abofé que triunfará dada a cantidade de carnotáns que andan a día de hoxe emigrados por aquí e por alá. Falamos por exemplo de todos eses Carnotáns de NYC que nos presentaba Manuel Vilar, desa xente que anda por Londres, por Madrid, Barcelona ou mesmo por Qatar. Esquezan a vergola inicial e manden os seus vídeos a través do Facebook para saudarnos á rede costeira e contarnos como vivides por aló. Por agora, os amigos de Carnota A Coruña, xa teñen 3 participantes e xa estamos desexando ver os seus vídeos. I é que a proposta pide aos carnotáns ou descendentes de, que lles mandedes un vídeo, feito co móbil se ques sen complicacións, dicindo: quen es, de que casa ou familia es, de que parte do concello es, onde te encontras e o saúdo que ques mandar ou as palabras que queiras dicir. Aos turistas tamén lles pide colaboración, e mesmo aos veciños, e podedes envialos a carnotacorunha@gmail.com ou carnotacorunha@hotmail.com.

A primeira veciña emigrada

Alba Lago, viguesa pero filla adoptiva de Caldebarcos, a muller do "Tempo de Telecinco", mándanos un saúdo dende Madrid.

Anímense carnotáns do mundo!

Novas relacionadas

• Un paseo moi galego por New York.
• A familia costeira en NY segue gañando títulos co CD Iberia.

Serie “De Carnota a Astoria: “Vin porque me trouxeron, non quería vir””, por Manuel Vilar

• (VI) – A estratexia do retorno e idealización do lugar de orixe.
• (V) – A chegada: casa e traballo (II).
• (IV) – A chegada: casa e traballo (I).
• (III) – ¿Por que veñen?.
• (II) – A emigración de Carnota en Nova York (II).
• “Vin porque me trouxeron, non quería vir”. De Carnota a Astoria. A emigración de Carnota en Nova York (I).

Fonte

• Redacción de QPC (info@quepasanacosta.gal).