O Monte Pindo volverá ser o punto de Encontro

12:00 30/05/11

Un ano máis a Asociación Pedramar do Pindo invítanos a participar no Encontro Monte Pindo. Unha "experiencia única, relaxante, emotiva, necesaria para o ben estar do noso particular imperio dos sentidos". Unha experiencia que ademais nos permite coñecer o valor dun nosos tesouros naturais e patrimoniais máis representantivos da Costa da Morte: o olimpo celta do Monte Pindo.

Este ano a entidade carnotá conta coa colaboración do Concello, e de varias entidades polo que o programa abarca moitas cousas. Sendeirismo, historia, música e gastronomía da zona" serán as protagonistas. Haberá carreira, haberá folk, haberá comida, haberá ruta (polo monte arriba e pola ría abaixo).... Todo para saborear esta paraxe única.

A cita será os 8, 9 e 10 de xullo, e todos estades invitados.

Programa do III Encontro Monte Pindo

Venres 08 de xullo:

Inauguración ás 19:00h no local da asociación A.D.R.C. PEDRAMAR.
Ponencia e degustación culinaria ao ritmo das pandereteiras da Solaina.

Sábado 09 de xullo:

Subida guiada ó Monte Pindo, con comida pícnic.
Ao baixar dará comezo a Carreira polo Monte Pindo-Galicia Máxica.
Á noite entrega de trofeos, sardiñada e queimada ao rítmo dun grupo folk.

Domingo 10 de Xullo:

Ruta en catamarán pola costa, visitando as illas Lobeiras ou Ruta de sendeirismo polo litoral e visita do Centro de interpretación da electricidade.
Comida Baixo carpa en con servicio de catering. Clausura a ritmo dunha charanga.