Rescatan a unha mariscadora que caíu ao mar en Caldebarcos
10:23 20/01/11
Mañá acidentada esta do xoves 20 de xaneiro de 2011. Se en Fisterra un pescador falecía cando ía ao mar, en Carnota unha muller caía ao mar pero era rescatada a tempo. Ocorría arredor das 9:20h da mañá cando un veciño avisou ao 112 do accidente.
Trátase dunha veterana mariscadora da zona, de 58 anos e iniciais M.T.L.V., caía ao mar en Caldebarcos, mentres recollía mexillón nunha zona complicada ao ser arrastrada por unha ola. Uns veciños nunha chalana conseguiron rescatala a tempo sen necesidade de que Salvamento Marítimo intervise. Ao lugar tamén acodiron un helicóptero do 112 e unha ambulancia do 061, que levou á veciña ao Hospital Virxe da Xunquera de Cee.
A muller, a media mañá, seguía en Urxencias do HVdX sen apenas ningún golpe e en bo estado, pero ao ter tragado moita auga, é necesario que se manteña unhas horas en observación. Todo apunta que hoxe mesmo poderá volver a súa casa.
Novas relacionadas
Accidentes no 2010
- 17-12-10: Falece un pescador nos cantís de Laxe.
- 22-12-10: Novo naufraxio nos cantís de Fisterra.
- 24-11-10: Un home falece ao caer ao mar no seu vehículo.
- 19-11-10: Atopado o corpo o pescador desaparecido en Baldaio o día do temporal.
- 09-11-10: Un home desaparece na ría de Baldaio cando ía pescar en pleno temporal.
- 15-09-10: Morre un home na praia de Nemiña.
- 08-09-10: Apararece un cadáver en Fisterra que pode ser o do "italiano".
- 05-09-10: Unha nova morte nos cantís de Fisterra.
- 22-08-10: Un morto e un desaparecido nas praias da Costa esta fin de semana.
- 09-08-10: Morre un home na Praia Langosteira.
Máis novas
- Artellando unha homenaxe aos Voluntarios do Prestige que cambiaron a Costa.
- A cara máis íntima do naufraxio de Xusto Gómez.