Enrique Pérez Sampedro, Jorhe Juro e Juan Jose Blanco, únicos representantes costeiros na INTUR

Escasa presencia do sector turístico da Costa da Morte na Feira Internacional de Intur que a semana pasada se desenvolvía en Valladolid. Parece que o sector non acaba de ver a importancia de acodir a estas Feiras a ensinar a nosa bisbarra, e de feito, os poucos representantes que están participando ultimamente constatan que a Costa da Morte é pouco coñecida a nivel Internacional.

Así o rubrica un Enrique Pérez Sampedro que despois de participar na World Travel Market, non quixo perder a Feira internacional INTUR. Aló estivo cos seus produtos Travels to Finisterre e Grupo Insua-OCA, sendo, unha vez máis o Camiño dos Faros o gran produto estrella da nosa bisbarra, xunto co Camiño de Santiago, a naturezas e as rutas de bici. Enrique constatou que temos unha deficiencia importante en aloxamento de alta categoría, e contou que chamou a atención de que houbese un alcalde promocionando a zona nos talleres.

É que na Feira houbo representación municipal de Mazaricos. O alcalde Juan Blanco e o presidente da Asociación de Hostaleiros Jorge Jurjo estiveron promocionando a MZ pola Feira, nun bo intento de amosar Mazaricos no sector turístico nacional e internacional. Detrás desta viaxe hai semanas de traballo de todo un equipo dedicado a deseñar a mellor maneira posible de promocionar o noso concello. Reuníronse durante dous díascon máis de 20 compradores de diferentes sectores turísticos da península ibérica e Reino Unido.

Jorge Jurjo e Juan José Blanco na INTUR Enrique Pérez Sampedro na INTUR

Novas relacionadas

• O Camiño dos Faros, produto estrella na World Travel Market:
• Setembro 2016: Pedro Sestayo: “A Costa da Morte está totalmente olvidada en formación hostaleira”.
• Xullo 2016: O turismo de calidade fai que Muxía colgue o cartel de completo.
• Febreiro 2016: O Turismo na Costa da Morte medrou nun 21% entre 2012 e 2014.
• Febreiro 2016: A Deputación aporta os fondos para a xerencia da CMAT.
• Xaneiro 2016: “O sector turístico da Costa da Morte ten que traballar na mesma dirección”.
• Decembro 2015: Os visitantes do Faro Vilán medran nun 20% dende 2013.
• Agosto 2015: O CMAT ponse en marcha conta co apoio económico da Xunta.
• Febreiro 2015: CMAT, constituído o ente que coordinará o Xeodestino Costa da Morte.
• Xaneiro 2015: O Turismo do Ézaro crece nun 155% no último ano.

Fonte

• Redacción de QPC ([email protected]).