Domingo. 21.07.2019
El tiempo

“Cee merecía un debate”

Imaxe do debate en Cee organizado por QPC celebrado en 2015
Imaxe do debate en Cee organizado por QPC celebrado en 2015
“Cee merecía un debate”

Non quixeron expoñer as súas carencias .Ramón Vigo e Margot Lamela rexeitaron participar no debate público que quixo volver a organizar QPC e Mohammed Safa, repetindo a exitosa experiencia democrática daquel san debate de 2015.

“Algo terán que escoder”, sinalaba Antonio Domínguez, candidato do PP. “Non sei a que lle poden ter medo”, apuraba Adrián Leira, outro dos candidatos (do Partido Libertario) que se amosou partidario dende o primeiro momento de levalo adiante.

Tamén se amosou disposto Víctor Somoza (UCG) ou Serxio Domínguez (BNG). Precisamente o edil e candidato do BNG lamenta que QPC non poida organizar o debate na Casa da Cultura entre os partidos. “A negativa de algún candidato parece que non permitirá que se leve a cabo, polo que desde o Bng pedimos que quen non quere debater reconsidere a súa posición”.

”Os debates de ideas e programas son fundamentais no exercicio democrático, polo que pedimos que todas as forzas políticas faciliten que este sexa posible. Na campaña das eleccións do 2015 si houbo un debate a pesar de que catro das sete forzas políticas non quixeron participar, e pensamos que desta vez non se debería repetir aquel episodio, se non que todas deberían acceder a ese debate, no que ademais o público debe tamén ter a oportunidade de preguntar o que desexe”, declarou Serxio Domínguez Louro.

Novas relacionadas

Comentarios