As familias do CEIP Vila de Cee póñense en folga contra os recortes
- Estér Vázquez Blanco: Tocan tempos de repensar o deteito á educación
Este venres, as familias do CEIP Vila de Cee non levarán ás crianzas ao cole. A ANPA Uxío, despois da multitudinaria concentración levada a cabo a comezos de curso, e de ver o proceso de folga protagonizado polas familias do Pindo propoñen unha folga en contra dos recortes promovidos pola Xunta.
Así, conscientes do complicado que resulta para a conciliación, piden a todas as familias a non enviar ás crianzas este venres 4 de outubro.
Explican dende a ANPA que é necesario tomar esta medida de presión porque os nenos con Necesidades Educativas Específicas (case unha cuarte dos nenxs do cole) non poderán ser atendidos correctamente ante a falta de mestres auxiliares. Asi acontece nos últimos cursos onde a Consellería de Educación eliminou o reforzo de profesorado.
Avisan ademais que o centro vai ter que limitar as saídas ou excursións pola falta de profesorado, pois explican que a nova Inspección eliminou un profes de apoio e 2 Auxiliares de Pedagoxía Terapéutica compartidos con outro cole, a pesar de que anterior inspectora os sinalara como necesarios para bo devir do centro.
Vídeos
Ademais, instan ás familias a subir polas redes vídeos nos que sitúen unha man por riba dunhas tesoiras e expliquen por que apoian a folga.
