Xoves. 13.06.2024
El tiempo

O IES Agra Raíces leva un premio no certame Aulas sen Fume

Premio do IES Agra Riaces Aulas sen fume
Familia da ESO do IES Agra Raíces nos premios Aulas sen fume
O IES Agra Raíces leva un premio no certame Aulas sen Fume

Novo premio para os centros de ensino da Costa da Morte nos certames audiovisuais a nivel autonómico. Desta volta, é para o IES Agra Raíces, cuio alumnado de 2ºESO leva participando na XX edición do programa “Aulas sen Fume”, unha iniciativa educativa contra o tabaquismo que desenvolve a Consellería de Sanidade, en colaboración coa Consellería de Educación, Ciencia, Universidades e Formación profesional, a través do programa Proxecta+.

Trátase dun concurso educativo para a prevención do tabaquismo que busca o compromiso individual e colectivo (de todas as aulas) de non fumar durante mínimo 6 meses. 

Ao longo do curso, o alumnado asistiu a diferentes sesións de concienciación acerca dos múltiples riscos do consumo do tabaco e, paralelamente, levou a cabo diferentes actividades, entre as que se destaca a creación dun slogan e a realización dunha actividade multimedia, co obxectivo de convencer ao resto de mozos e mozas para que non fumen. Cabe destacar, que a tarefa multimedia realizada polo alumnado de 2º ESO C “Quixera que o teu fume non me atrape” resultou ganador na categoría “Aulas sen Fume”, e galardoado cun campamento de “Clases sen fume” no Complexo Xuvenil Gandarío. 

O pasado martes 4 de xuño, o alumnado deste último grupo, asistiu a un acto lúdico presidido polos responsables das Consellerías de Sanidade e Educación no que, xunto co resto de escolares gañadores, recibiron os premios correspondentes e asistiron a unha conferencia dun reputado cardiólogo. 
Os traballos realizados foron coordinados pola profesora de matemáticas, Jenifer Espasandín -quen tamén recibiu un premio á innovación educativa por este proxecto. O alumnado tamén contou coa gran colaboración dos seus titores, Lucía Campaña,  Beatriz Nogueiras, Manuel María Figueiras, María Segura,  e Alejandra Taboada, ademais da orientadora do centro, Mariana González

Podedes ver os vídeos na web do centro.

Máis novas

 

Comentarios