Emotivo o peche solidario de ano no Colexio Manuela Rial Mouzo. Este pasado venres, o centro concertado ceense puxo o broche final a un trimestre cheo de traballo, esforzo e ilusión coa celebración dos tradicionais Actos de Nadal, nos que participou o alumnado de Educación Infantil, Primaria. e ESO.  Estas actividades serviron como espazo de convivencia e celebración, mostrando o traballo realizado durante as últimas semanas. Toda unha xornada emotiva tanto para o alumnado como para os familiares que os acompañaban nun ateigado Salón de Actos.

Ademais, o Centro reforzou o seu compromiso coa solidariedade a través da súa colaboración con Cáritas, participando na recollida de alimentos, e facendo entrega da recadación obtida no mercadiño de Nadal organizado pola comunidade educativa.