O PP xa está en campaña
![](/asset/thumbnail,992,558,center,center/media/quepasanacosta/images/2012/09/24/Marisol-Pineiro-Rosa-Quintana-e-Zaira-Rodriguez-na-Festa-dos-Maiores-de-Cee.jpg)
![Marisol-Pineiro-Rosa-Quintana-e-Zaira-Rodriguez-na-Festa-dos-Maiores-de-Cee](/media/quepasanacosta/images/2012/09/24/Marisol-Pineiro-Rosa-Quintana-e-Zaira-Rodriguez-na-Festa-dos-Maiores-de-Cee.jpg)
21O. As eleccións autonómicas están á volta da esquina (por certo poderédelas seguir a través do especial Galicia Confidencial), e pola Costa da Morte xa imos notando algo. Pero polo de pronto só nos chegan imaxes do Partido Popular achegándose á veciñanza. E iso que en principio aínda non comezou a campaña propiamente dita, pero os actos públicos xa teñen un aroma a campaña total.
![A comitiva do PP o venres no mercado de Fisterra A comitiva do PP o venres no mercado de Fisterra](/media/quepasanacosta/images/2012/09/24/A-comitva-do-PP-o-venres-no-mercado-de-Fisterra.jpg)
Así, a campaña a abría a carnotá Marisol Piñeiro, Candidata pola Costa da Morte, acompañada do coordinador da campaña, Álvarez Campana, no mercado de Fisterra o pasado venres. O alcalde José Manuel Traba, o Concelleiro de Cultura Santiago Insua e o Concelleiro de urbanismo Ramón Redonda estiveron ao seu lado falando cos veciños da vila do Cristo.
Xa era a segunda visita esta semana ao municipio fisterrán sendo a primeira delas a recente Gardería da Conselleira Beatriz Mato.
A última cita tiña lugar o pasado sábado na festa homenaxe aos xubilados do Concello de Cee. A conselleira do Medio Rural e do Mar, Rosa Quintana, escoltada por Marisol Piñeiro e a alcaldesa Zaira Rodríguez, subíu ata o San Pedro Mártir, na Parroquia de Lobelos para charlar cos maiores, un dos sectores claves das votacións.
![A conselleira do Medio Rural e do Mar, Rosa Quintana, asistirá á festa homenaxe aos xubilados do Concello de Cee. Parroquia de Lobelos](/media/quepasanacosta/images/2012/09/24/Outra-imaxe-da-Festa-dos-Maiores-de-Cee.jpg)
Novas relacionadas
- A Autovía que separa.
- A nova Xestora do PP de Vimianzo non apurará unha moción de censura.
- José Antonio Devesa releva a Alberto Blanco na cabeza do PP de Muxía.
- Presentada a renovada xestora do PP de Cee.
- Completo repaso de actualidade municipal do PP comarcal.
Fonte
- Redacción de QPC ([email protected]).