O comité de XEAL (antiga Ferroatlántica de Cee, Dumbría e Centrais Hidroeléctricas), acordou mudar o lugar das concentracións semanais e a partir deste 4 de decembro, e mentres duren as restricións perimetrais pola incidencia da Covid-19, as protestas faranse todos os venres na porta da fábrica de Brens ás 17:15h.

Non para a nova serie de concentracións comezabas o 9 de outubro, para demandar o plan de viabilidade e a concreción do calendario de rearranque dos fornos.

Prohibicións

Por outra banda, o comité tamén queren denunciar que a dirección da empresa lles prohibiu manter unha reunión na sala que ten asignada o órgano de representación (tal e como aparece recollido no Estatuto dos Traballadores/as) aducindo que había un curso e obstaculizando desta maneira o labor sindical do comité.

Cesta de Nadal, para o comarcio local

O comité acordou tamén repartir preto de 10.000 euros do lote de nadal en vales de 30 euros para que os traballadores/as gasten no comercio e a hostalería local. Con esta medida o persoal quere colaborar co sector ante a crítica situación que atravesa por mor das restricións e a crise derivada da pandemia, e lanzar tamén unha chamada a mercar e consumir nos establecementos da comarca.

Lembran que o tradicional lote de nadal non é un regalo da compañía, senón un concepto que se detrae da nómina dos traballadores e das traballadoras e que o comité se encarga de xestionar.

NOVAS DO CONFLITO #FERROATLÁNTICA

• 29-11-2020: Os traballadores de XEAL seguen enchendo as rúas de loita social.
• 21-11-2020: Os traballadores de XEAL non descansan e manteñen o seu calendario de mobilizacións.
• 18-11-2020: O TSXG asegura a vinculación das fábricas e a produción eléctrica de XEAL.
• 14-11-2020: O persoal de XEAL segue esixindo, na rúa, o Plan de Viabilidade.
• Outubro 2020O Comité na rúa mentres XEAL asegura ter investido 6 millóns en seguridade nas fábricas.
• 23-10-2020: A Xunta confírmalle ao Comité que XEAL incumple as esixencia da administración.
• 16-10-2020: Conflito XEAL: Outro venres máis na rúa.
• 10-10-2020: As mobilizacións dos traballadores de XEAL poñen o foco na Xunta.
• 07-10-2020: Os traballadores de XEAL pídenlle aos rexedores que non fiquen “pasivos ante o desmantelamento das fábricas”.
• 02-10-2020: O Comité de XEAL pediulle á Xunta que actúe xa ante o "desmantelamento" das fábricas.
• 25-09-2020: “O que está a pasar nas fábricas da antiga Ferroatlántica é unha farsa e unha estafa”.