Domingo. 07.06.2020
El tiempo

Os Trotamúsicos fixeron bailar ao Entroido de Cee, o máis numeroso

Os Trotamusicos, grandes triunfadores do Entroido de Cee 2020-Foto-Rafa Quintans
Os Trotamusicos, grandes triunfadores do Entroido de Cee 2020-Foto-Rafa Quintans
Os Trotamúsicos fixeron bailar ao Entroido de Cee, o máis numeroso

Espectacular acollida ao Entroido de Cee. A elección nos últimos anos do Sábado de Piñata para a celebración do Concurso de Comparsas e Carrozas, permite que comparsas de toda a zona acodan a probar sorte nun dos últimos certames do Entroido. Ata 11, chegadas de Camariñas, Cee, Fisterra, Muros e Vimianzo, participaron. Un xeito de encher ata os topes dun pavillón que necesita xa dunha carpa accesoria para acoller ao público e a todas as comparsas.

O tempo deu unha tregua e puido realizarse o vistoso desfile de Carrozas dende o centro da vila.

Desfile Entroido de Cee 2020-Foto-Rafa Quintans
A Carroza de Rueirada levou o primeiro premio e vestiu moi ben o desfile-Foto-Rafa Quintans

Victor Castineira disfrazouse Entroido de Cee 2020-Foto-Rafa Quintans
Víctor Castiñeira, disfrazado por fin-Foto-Rafa Quintáns

Unha vez no pavillón comezaron o espectáculo da man da televisiva Beatriz Serén, e por fin, con Víctor Castiñeira, o técnico de cultura e verdadeiro armadanzas do entroido, disfrazado, despois de 17 anos.

Os primeiros premios da tarde caeron, en categoría individual para a Nubia Esperanza e para a Raíña do Mar. As mellores parellas foron as Pajarracas, os Títeres de See, e A Caixa de Música.

As Carrozas foron espectaculares a verdade. A escollida como mellor carroza foi a do Imperio Nefertiti da Rueirada de Louro, por diante da dos fisterráns Os da Charca e a de Disco Brincadeiras.

Comezou a copla e o baile, para as risas e o deleite. Tivérono complicado os membros do xurado, que acabaron escollendo aos Trotamúsicos de Fisterra como os campións da noite. Segundos quedaron os loureáns de Rueirada co seu Imperio Nefertiti, e terceiros Os da Charca, campións o ano pasado. Os Enjominados de See, os Tortugas y Peces (Fisterra) e Disco Brincadeiras levaron o resto de premios, obtendo accesits por participar A Costa das Mulleres (de Camariñas), Os Rapacollóns de Fisterra, e os vimianceses da Arca de Noé e de A Través da pupila.

Disco Brincadeiras no Entroido de Cee 2020-Foto-Rafa Quintans
Disco Brincadeiras no Entroido de Cee 2020-Foto-Rafa Quintans

Desfile cos da Charca Entroido de Cee 2020-Foto-Rafa Quintans
Desfile de Os da Charca-Foto-Rafa Quintáns

Os Enjominados de See no Entroido de Cee-Foto-Rafa Quintans
Os Enjominados de See -Foto-Rafa Quintans
Premio por parellas no Entroido de Cee-Foto-Rafa Quintans
Beatriz Serén, Víctor Castiñeira e Juanma Buiturón entregando un dos premios por parellas ás Pajarracas-Foto-Rafa Quintáns

 

Todas as novas do Entroido

Entroidos de Cee

comentarios