Non paran estes bravos pensadores da Universidade Cromática das Virtudes. Esa pequena asociación costeira, con epicentro en Corcubión, que ademais está buscando novos socios e colaboradores. “Andan a mil” con ducias de actividades, e mentres tanto, publican un novo número da súa revista reflexiva de referencia.<7p>

O número VIII da Revista Thaumazein xa está na rúa, e con ese afán de vertebrar a Costa da Morte a través do pensamento, xa está nos diferentes Puntos de venda. Ademais, de en Corcubión na Tenda dos Libros de Ponteceso, na librería Torre Penedo de Laxe, na librería Roget de Vimianzo e na librería Ler de Cee. Están pendentes de ila presentar a Camariñas e Malpica para seguir espallando sabedoría e reflexión.

Con esta portada por Andrés Lópz, este oitavo número vai adicado ao tema da moral e os seus "límites" (de aí o de extra-MORAL). É unha revista moi persoal, con colaboracións sobre todo no eido da literatura. A gran novidade é a sección de fotografía, que nesta ocasión vai adxunta nun sobre kraft. Cada foto é unha postal, o que fai sinxelo a súa difusión.

Xa están a preparar a novena, que versará sobre mitho-loxía, e xa podedes ir indagando máis na web revistathaumazein.com.

Novas relacionadas

• Máxica e solidaria fin de semana en Corcubión.
• Un Samaín diferente con Ramón Caamaño en Corcubión.
• Coñecendo Al Natural o disco-lata de Héctor Lera e Dous Calquera.
• Calcetíns na Capela.
• A mocidade que forma.
• A Capela do Pilar, o novo espazo cultural de Corcubión.
• A mocidade cromática fai escoitar o seu Thaumazein.

Fonte

• Redacción de QPC ([email protected]).