Corcubión mantén o ritmo de interese con 200 camiñantes nas Andainas Costa da Morte
Mentres os Trasnos andaban por Cantabria expandindo o Camiño dos Faros, a Costa da Morte acollía dúas novas camiñadas. Por unha banda a Andaina Costa da Morte por Corcubión, mentres que Senda Nova armaba unha nova ruta de primavera polas Terras de Soneira.
Andaina por Corcubión
Non decae a atención polas rutas nesta primavera costeira. Este sábado, preto de 200 camiñantes calzaron as botas e percorreron os 14 km da ruta corcubionesa. Unha ruta que combinou patrimonio cultural con natural. Así o comezo deuse polo casco histórico, percorrendo os pazos e os lugares máis emblemáticos da vila de Corcubión, como nos conta, en imaxes, Leo Moreira, membro de Protección Civil de Corcubión, tremendamente volcado con estas rutas.
De aí arrincaron cara o Iglesario, o berce da vila de San Marcos. A subida ata a Redonda foi algo complicada pero como recompensa chegaron as vistas á silueta de Fisterra e o bocata no cabo da Nasa. Comezaba a volta cara o Cabo C e cara a Praza Castelao, onde rematou unha ruta difícil de esquecer, que demostra o potencial corcubionés en materia turística.
Ruta polo cumio das Terras de Soneira
Ata os 566 metros do Pico de Meda, en Zas, subiron o medio centenar de amantes da natureza que se apuntaron á ruta de Senda Nova polas terras de Soneira.
O museo do Liño, o castro de Vilastévez, o castro Pico de Cruz, ou a Mámoa da Mina foron paradas no camiño. Pasaron tamén pola fervenza do Rabiñoso, e disfrutaron de bos momentos con cabalos salvaxes. Ademais, viron pegadas da presencia do lobo na zona.
Vindeira andaina
Pasiño a pasiño imos rematando o camiño… e só quedan dúas xornadas do programa de Andainas Coñece a Costa da Morte. O próximo sábado, día 31 de maio, a saída será por Fisterra para facer unha ruta circular de 10 quilómetros e medio con saída e remate nun sitio tan emblemático como é o faro de Fisterra. Durante o percorrido haberá ocasión de visitar o monte Facho, Mar de Fóra, Igrexa de Santa Mariña das Areas e a Hermida de San Guillermo.
Ademais, a vindeira fin de semana haberá máis citas, como a Ruta con Senda Nova do domingo 1 de xuño “Camiño de Caión”.
Novas relacionadas
- O VI Encontro Monte Pindo coñecerá a Moa baixo as estrelas.
- Senda Nova segue creando canteira de compromiso.
- O sendeirismo segue achegando mundos e creando conciencia na Costa da Morte.
- As Andainas que nos descubren o patrimonio aos veciños da Costa da Morte.
- Un ano de trasnos.
- A Costa da Morte venera o sendeirismo.
- Sendeirismo con conciencia.
- Limpando praias e conciencias.
- Senda Nova segue o roteiro do sendeirismo co programa Primavera en Ruta.
- Nin a chuvia pode cuns trasnos que intentarán facer o Camiño dos Faros en 48 horas.
- As Andainas toman o relevo de Traski para vertebrar a pé a Costa da Morte.
- A divulgación 2.0 dos Camiños do Mar, finalista duns premios europeos sobre patrimonio.
- De Camiño dos Faros cos trasnos milenarios.
- Os trasnos fan Costa da Morte de marca en marca.
- O Camiño dos Faros estrea nova web.
- Traski envía unha carta de unión e eficiencia ao sector turístico da Costa da Morte.
- Os trasnos rompen marcas na terceira edición do Camiño dos Faros.
- Os trasnos crean a Asociación Camiño dos Faros.
- A Costa da Morte segue lonxe dos primeiros destinos de Galicia.
- A FITUR coñece unha ducia de Costas da Morte.
- Presentado o ente turístico que xestionará o xeodestino Costa da Morte.
- Costa da Morte, unha das zonas máis virxes de España.
- Redacción de QPC ([email protected]).
