Critican a falta de contudencia dos alcaldes/as socialistas da comarca ante o posible peche do ISM
A pasada semana os alcaldes/as socialistas da comarca mantiñan unha reunión coa Subdelegada do Goberno para tratar a polémica xurdida sobre os recortes na oficina do Instituto Social da Mariña de Corcubión. Se ben a Subdelegada lles aseguraba que non había plans de pechar a oficina nin de privatizar o servizo, como si que lle dixera aos representantes da CIG un día antes, corroborou que o goberno central non ía cubrir a baixa de médico ata a súa reincorporación no mes de decembro.
Unha das solucións que propuñan os alcaldes/as costeir@s era a de manter o servizo 2-3 días á semana. Unha alternativa que semella insuficiente para a CIG. A central sindical considera “sorprendente e incomprensíbel a falta de contundencia e de presión por parte dos alcaldes do PSOE para forzar a que a dirección do ISM e a subdelegada se comprometan a levar a cabo con urxencia a cobertura da praza do médico da oficina de Corcubión”.
Reestruturación
A subdelegada recoñeceu a intención de reestruturar o ISM. A CIG lembra que a última reestruturación foi executa polo goberno socialista no ano 2009 e supuxo o peche das oficinas de Laxe e Muxía e tamén se prevía o peche da oficina de Fisterra.
Mobilizacións
Ante esta situación a CIG abordará co persoal afectado as medidas a desenvolver sen descartar a convocatoria de mobilizacións.
Novas sobre o ISM
- 25-09-2020: A Subdelegada do Goberno recoñece que non se pode cubrir a praza de médico do ISM pero afirma que non se vai pechar.
- 24-09-2020: A directora do ISM non cobre a praza do médico, deixa aberta a porta ao peche e mesmo fala de privatizar o servizo.
- 14-09-2020: ISM e xubilación: O BNG escoita as demandas do sector do mar en Corcubión.
- 09-09-2020: “As respostas que nos dan ante a falta de servizo do ISM son un vacile”.
- 09-09-2020: Novas queixas ante a reiterada baixa do médico e o posible peche do ISM de Corcubión.
- 08-09-2020: Alertan da posible perda do servizo do ISM de Corcubión.
- Agosto 2020: Os profesionais do mar denuncian a falta de médico para realizar o recoñecemento médico obrigatorio.
