Seguen sucedéndose casos de incumprimento das normas confinamento derivado do estado de alarma decretado como consecuencia da crise sanitaria do COVID-19. E parece que as forzas de seguridade van endurecendo as sancións. Desta volta, o Xulgado de Instrución número 2 de Corcubión, en funcións de garda, decretou a prisión provisional, comunicada e sen fianza, dun detido que xa fóra condenado o pasado 1 de abril polo "incumprimento inxustificado da limitación da circulación”.
Aseguran as forzas de seguridade que saía “botar gasolina ata catro veces diarias, a dar un paseo ou a dar unha volta por estar canso ou aburrido de estar na casa”. Ademais, en varias ocasións viaxou acompañado doutras persoas a bordo do mesmo vehículo.

A Garda Civil cazouno de novo estacionado na estrada e cando foi interceptado amosou, “de forma sistemática e reiterada un absoluto desprezo polo principio de autoridade ”. Así, relata que os días previos á detención, 5, 6 e 8 de abril, o interceptaron axentes e o propuxeron para sanción por considerar que os seus desprazamentos en coche eran inxustificados. O día 6 de abril, segundo o auto, “chegou a subtraerse da intervención dos axentes da Garda Civil pola excesiva velocidade á que circulaba”.

Ante a “altísima probabilidade de que continúe circulando pola vía pública desatendendo frontalmente, con absoluto desprezo ao principio de autoridade e ao conxunto do ordenamento xurídico, as restricións á mobilidade das persoas”, o Xulgado mandouno a prisión, e a Fiscalía, que o acusa de cometer un delito grave de desobediencia á autoridade, coa agravante de reincidencia, solicita que sexa condenado a 363 días de prisión.

Novas sobre o cumprimento da corentena

• 08-04: Interceptan un veciño de Camariñas pescando sen licenza en pleno estado de alarma:
• 06-04-20: Detido en Muros un home en busca e captura e coa parella da que tiña orde de aloxamento.
• 06-04-2020: A Garda Civil desaloxa o bar da confraría de Laxe.
• 03-04-2020: Tres mozos detidos en Vimianzo por incumplir as normas de confinamento.
• 01-04-2020: 1.440€ a un veciño de Vimianzo por incumplir, en 8 ocasións, as normas de confinamento.
• Dani Calvete: "O que peor levo é o medo a poder infectar á familia. Levo o protocolo ao extremo”.
• Dous carballeses condenados, tras ser detidos, a pagar unha multa de 360 e 480€ por incumprir repetidamente o confinamento.
• Dous talleres de confección do polígono de Bértoa, denunciados por incumplir as novas restricións.