Ambiente reivindicativo-festivo e absoluto respecto das medidas sanitarias. Así foron as concentracións que esta mañá a CIG convocaba en Cee e Carballo, coa intención de deslocalizar a loita do #8M e evitar unha manifestación central, e coa necesidade de “non quedar caladas”.

Ducias de mulleres, algunhas das que puideron facer folga, achégaronse á Praza do Concello de Carballo e a Praza 8 de marzo de Cee, para berrar canticos como o “Menos precariedade, máis igualdade”, que reinciden no inxusto papel da muller nanosasociedade: “esenciais e precarias”.

Así están sendo as concentracións polo #8M na Costa da Morte. Esta convocada pola @galizaCIG
en @carballo_gal e

Aquí tendes as citas para hoxe: https://t.co/bquX1QuCtT

"Menos precariedade e máis igualdade"
Vídeo de de @RebelinAluminio pic.twitter.com/B0IpfD9WHs

— Quepasanacosta (@quepasanacosta) March 8, 2021

Así o reflicte o complicado seguemento da folga. “Tendo en conta que nos impuxeron uns mínimos totalmente abusivos, a situación real da pandemia da COVID-19 e que houbo unha campaña en contra brutal, para a CIG temos unha sensación moi positiva e que conseguimos visibilizar as nosas demandas, explica Ana Lestón, responsable da CIG Cee da Secretaría da Muller, como traballadora tamén do Hospital Virxe da Xunqueira.

Concentración en Cee

Lestón foi a encargada de ler o manifesto da CIG: “Unha vez máis fomos capaces de xerar unha dinámica propia no país, mobilizadora, axitativa; fronte ao desexo das institucións de intentar reducir a convocatoria do 8 de marzo a unha campaña hipócrita, protagonizada por quen vulnera os nosos dereitos, e reducida a espallar cartaces nas redes, porque se algo evidenciou a pandemia é que as mulleres seguimos condenadas polo sistema a sufrirmos as máximas consecuencias da crise”.

Lestón lembrou cifras sobre a precaria situación laboral, tan graves como que a ”fenda salarial en Galicia é do 20,5%”, que ”o 20,8% das asalariadas tiveron ingresos brutos anuais inferiores a 2750€” ou que “as pensións das galegas foron un 35% inferiores a dos homes, ou sexa, 365 euros menos ao mes”. Temporalidade, xornadas parciais, inestabilidade… son situacións que definen a precariedade laboral da muller.

Coidados

O lema das manifestacións volvía recuperar o do ano pasado, unha vez que a pandemia reincidiu na importancia vital, e o pouco recoñecemento, dos coidados na nosa sociedade. “A pesar de sermos esenciais, segue invisibilizado, oculto, e na meirande parte dos casos, non é retribuído o noso papel”.

Artigos relacionados

• Todas Nós, nace o Punto de encontro das mulleres profesionais da Costa da Morte.

Novas sobre o 8M

• #8M: O “indignante” empeoramento da igualdade no agro.
• #8M: A discriminación extra que sobre as mulleres con adiccións do rural.
• #8M: A tripla discriminación das mulleres con discapacidade do rural.
• #8M: As Zoquiñas Vermellas volveron saír á rúa en clave de artesanía e denuncia.
• Vimianzo vístese de #8M.
• A Galería Mulleres de Muxía cumple 11 anos lembrando a Elena Colmeiro.
• “Mulleres invisibles, mulleres desconfinadas”, o artigo de Paula Castro gañador do IV Premio de Xornalismo Manuel Lueiro Rey.

Crónicas do 8M de 2020

• Marzo 2020: #8M: O Feminismo baixou a pé de rúa en Carballo.
• Marzo 2020: #8M: Cee acolleu unha combativa e festexeira manifestación comarcal.
• Unha cadea humana de mulleres para encher a praia de Carnota de sororidade.
• #8M: As Curandeiras, e máis de 200 mulleres, batiron os tambores contra o patriarcado en Vimianzo.